→ كل الوصفات

فراخ مشويه في الفرن بأسرع طريقة 🍗

وصفة سهلة وسريعه مفيش مرة تتعزم عند حد وخصوصا لو بيت عيلة غير لازم في وسط سفرة نلاقي فراخ مشوية جميلة وليها طعم جميل وسهلة وتفضل معلقه ف دماغك فتره هتعجبكم جداً بإذن الله

  • فرخه كامله سليمة مغسولة كويس
  • 1 بصلة كبيرة مبشورة ناعم
  • ملح وفلفل اسود حسب الرغبه
  • م ص بهارات فراخ (هتلاقي طريقة ف وصفات عندي)
  • 2 م ك صلصة مدوبه في شوية ميه
  • رشه ملح وفلفل
  • بهارات فراخ
  1. هنغسل الفرخه بالدقيق والخل والملح ونركنها ع جنب
  2. هنبشر بصله في بولة ونحط م ص ملح و١/٢ م ص فلفل اسود و م ص بهارات فراخ ونخلطهم مع بعض كويس وممكن تحطي جزر مبشور كمان
  3. وبعدين تغسلي الفراخ بالمية كويس من الدقيق والملح والخل كويس ونحشي الفراخ من تحت جلد هتوسعي بسيط بصباعك ومن جوه كمان ومن عند رقبة من عند صدر بخليط البصل المبشور كويس وبعدين نربط بالخيط رجلين الفرخه
  4. وفي بولة اخلطي صلصه مع توابل وشويه ماء وبالفرشه ادهني الفرخه بيها و حطيها في شوايه وحطيها ف الفرن ولو عندك شوايه زي بتاعتي دي هتحطي في طبق ده نص كوب ماء وتدخليها الفرن هتشيلي شبكه اللي فيه وهتحطي الشوايه الواقفه دي ع اخر رف في الفرن
  5. اول لما تستوي هتفتحي الفرن من فوق تاخد لون و تقديمها وبألف هنا⁦♥️⁩ تقدري تقدميها سليمه او مقطعة
عجبتك الوصفة؟
شوف كل وصفاتنا في مكان واحد
كل الوصفات →