→ كل الوصفات
#من_القلب
المقادير
- 1 حوالي كيلو ونص فرخه مقسمه على 8 قطع
- 1 علبه زبادي كبيره
- معلقه كبيره صلصه
- معلقه كبيره دبس رمان
- ¼ كوب زيت
- ¼ كوب خل
- معلقه كبيره عسل نحل
- بصله كبيره مبشوره ناعم جدا
- ملح
- فلفل اسود
- بابريكا
- بهارات فراخ
- ثوم بودر
- كركم
- كاري
- حاجه بسيطه قرفه
- رشه زعتر
- رشه ريحان
- رشه روزماري
- ممكن اي بهارات تانيه عندنا اللي متوفر
- 2 قطعه فحم كبيره
طريقة التحضير
- هنغسل الفراخ كويس جدا بالملح و الخل و الليمون ونرجع نغسلها بالميه و نسيبها تتصفي على جنب وياريت يكون الفرخه حجمها صغيره كيلو ونص حد أقصى
- في بوله هنحط كل المكونات الزبادي و البصل وممكن نستخدم ميته بس و دبس الرمان و العسل و الخل و الزيت و كل التوابل على حسب المتوفر عندنا نقلبهم كويس مع بعض
- بعد ما الفراخ اتصفت هنحاول بسكينه بوزها رفيع نعمل فيها فتحات ونحطها في التتبيله و نسيبها ليله كامله فيها او اقل حاجه من ٤ ل ٦ ساعات عشان تشرب التتبيله و تبقى طريه وجميله جدا
- بالنسبه للتسويه انا بعمل بطريقتين اول واحده: بحط الفراخ في الكيس الحراري بكون عامله فيه فتحه صغيره من فوق لحد ما تستوي و بعد كده بروح مفضياها بالصوص بتاعها في صنيه وفاتحه الشوايه عليها تاخد لون حلو جدا اقفل عليها و خلاص
- بالنسبه للطريقه التانيه اللي انا عملتها المره دي : اني بحط الفراخ على طول في الصنيه في فرن سخن ٢٠٠ درجه هي بتنزل ميتها و بتستوي لوحدها و تاخد لون حلو
- مش بزود ميه او اي حاجه باقي التتبيله مش برميها كل ما الاقي التتبيله نشفت من ع الفراخ و هي في الفرن بالمعلقه احط عليها تتبيله تاني وهنا في نص التسويه الفراخ منزله ميتها و بتستوي فيها
- وبعد ما الفراخ استوت بكون مولعه فحمه و احطها في نص الصنيه واطفيها بالزيت و اقفل الغطا بسرعه عشان الفراخ تاخد ريحه و طعم الشوي وبالهنا و الشفا😍😍
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد