→ كل الوصفات
#فرايد تشكن دودد
المقادير
- ½ كيلو وراك مخليه او صدور مخليه
- علبة زبادي
- رشة بصل بودره
- رشة توم بودره
- رشه قرنفل
- ملعقة صغيرة توابل فراخ
- ليمونة
- مكعب ماجي فراخ
- جنزبيل
- ملح وفلفل اسود حسب الرغبة
- قرنفل
- حبهان مطحون
- جوز الطيب
- ملعقة كبيرة خل
- دبس رمان او معلقه عسل اسود
- بيضة
- دقيق
- ملعقة كاري
- شطة حمرا اختياري
طريقة التحضير
- تغسل الفراخ بمعلقه طحينه ومايه وخل كويس وتصفيهم بعدها وتضيفي كل التوابل وكل ده وتسبيها علي الاقل 4ساعات في التلاجة وبعدين تجيبي الدقيق وتضيفي عليهم توابل وملح وكاري وتقسميه نصين نص تضيفي عليه مايه ويبقي سائل ونص من غير وتنزلي مره ف الدقيق ومره في الدقيق اللي بقي زي السائل لحد لما يعمل كڤر كويس للفراخ
- وفي زيت غزير وسخن جدا تنزلي كل جانب كام دقيقه وتصفيهم ف مصفه بلاش منديل عشان تبقي مقرمشه وتعمل احلي سندوتش والحشوات شرايح شيدر وتركي مدخن وصوص شيدر وشرايح طماطم وكابوتشة ومايونيز ومسطردة وكاتشب
- هاتي الكيزر وافتحيه خالص وحطي صوص شيدر ومايونيز وكاتشب ومسطرده وبعدين كابوتشه وشرايح طماطم وبعدين فرايد تشكن عليها شريحه شيدر وصوص شيدر وكاتشب ومسطرده ومايونيز وكلي احلي سندوتش وبالف هنا وانا قولتلكم تفصيل التفاصيل يارب تعجبكم
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد