→ كل الوصفات

فرنش توستر بالزعتر والجبنه 🥪

#دايت

  • 2 توست بني
  • بيضة
  • 2 معلقه كبيره معياري لبن خالي الدسم
  • رشة ملح هيمالايا / فلفل اسود
  • 1 معلقه ص زيت زيتون
  • 1 معلقه كبيره زعتر محوج
  • للحشو
  • جبنة حلوم او اي نوع
  1. اول حاجه بجيب طبق ونضع فيه (البيضه + ملح + فلفل اسود + الزعتر المحوج) ونضربهم بشوكه كويس
  2. ثم ننزل (باللبن + زيت الزيتون) ونخلطهم كويس بحيث يكون الخليط صافي من غير كتل البيض
  3. وبنجيب التوست ونضع واحدة في خليط اللبن ونغمسها على الناحيتين بحيث تكون شربت من اللبن كويس بس مش تتهري (يعني نغمسها من الناحيتن على طول مش نسبها في الخليط ونضغط بصبعنا كده نلاقيها اتشربت كويس زي الصوره)
  4. وبنجيب طاسه تيفال ونضع بختين زيت او ملعقة صغيرة زبدة طبيعي حسب نظامك في الدايت بردو
  5. وتسخن الطاسه ننزل بالتوست ونتركه لحد ما تحمر من تحت ونقلبها على الناحيه التانيه تأخذ وجه محمر
  6. ونضيف الجبنة بين التوست ونضع ملعقة مياه على جنب الطاسه ونقفل عليها علشان الجبنة تسيح
  7. (انا استخدمت جبنة حلوم ممكن تستخدمو اي نوع تحبو وعلى حسب نظامك)
  8. ونضعها في طبق التقديم وبالف هنا 🥰 فطار مختلف ولذيذ 😋
عجبتك الوصفة؟
شوف كل وصفاتنا في مكان واحد
كل الوصفات →