→ كل الوصفات
كلنا بنعاني من مشكلة نقص التركيز وصفتنا النهاردة مفيدة جدا لكل الاعمار لو ندي الاطفال الصغيرة معلقة منها الصبح هيقوي الذاكرة جامد علشان فيها مكسرات و عسل ابيض و يقوي جهاز المناعة
المقادير
- ¼ كوب عسل نحل "الافضل يكون جبلي"
- مكسرات حسب المتاح انا استخدمت لوز و كاجو
- 3 معالق سكر
- ¼ كوب عصير " حسب نوع الفاكهة اللي استخدمتها انا حطيت عصير مانجو من المعلب علشان كان عندي منه
- 4 ثمرات موز
- ½ كوباية فراولة
- 4 معالق جوز هند كبيرة
- زبيب بتستخدميه حسب الكمية انا حطيت كام واحدة الافضل ميكونش كثير
طريقة التحضير
- هنغسل الموز و نقشره و نقطعه حلقات صغيرة
- بعد كدة نكون غاسلين الفراولة كويس و نقطعها قطع صغيرة فوق الموز
- هنجيب ربع كوباية عسل نحل و لو عندك جبلي يكون افضل
- و هنزود للربع كوباية العسل مكسرات بتاعتنا و تكون متقطعة
- و بعد كدة هنضيف العسل الابيض بالمكسرات علر الفاكهة و نضيف لهم ٣ معالق سكر
- و بعد كدة نضيف العصير بتاعنا الافضل يكون طبيعي انا حطيت معلب علشان هو اللي كان جاهز عندي و حطيت عصير مانجو بس الافضل يكون العصير من نفس نوع الفاكهة
- و بعد كدة هنرش عليه جوز هند و زبيب
- و بالف هنا اخيرا ناكل منه معلقة كل شوية علشان دسم شوية و صعب يتاكل علي مرة واحدة و بالهنا و ممكن تعمله في كاسات صغيرة علشان الكمية تبقي أقل في الكاسة و يبقي ممكن المعدة تستحمل تتاكل ،☘️☘️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد