→ كل الوصفات

فروج بروستد

#سوريتي_هويتي أكلات سورية

  • كيلو واحد صدر
  • كيلو واحد فخاد دبوس صغيرة حصرا
  • طرنشات ليمون
  • معلقة ثوم صغيرة
  • ماء للنقع
  • كاسة صغيرة ماء حصرم
  • كوب ونصف طحين
  • ظرف بيكينغ باودر
  • معلقة نشا
  • ملعقة كعك مطحون
  • بهار على حسب الذوق
  • ملح حسب الرغبة
  • بهارات حسب الرغبة
  • بيضتين
  • كاسة حليب
  • 0.5 كاسة ماء
  • ملح
  • رشة بهار ابيض
  • زيت للقلي
  1. اول شي مننقع الفروج بماء وخل وملح بعدين منغسلو جيداً ونضعه جانبا
  2. ننقع الفروج بماء ونغمروه ونضيف اليه ليمون طرنشات ومعلقة ثوم صغيرة وبهار ومقدار كاسة شاي صغيرة ماء حصرم وملح طبعاً منزبط ملح الماء
  3. يترك 5 ساعات منقوع بعدين منصفيه ونضعه جانبا
  4. بصحن منخفق بيضتين حتى يصرلن رغوة ومنحط كاسة حليب ونص كاسة ماء وملح وبهار ابيض
  5. وصحن تاني منحط طحين مع ظرف بيكينغ باودر ومعلقة نشا ومعلقة كعك مطحون وبهار وملح وبهار ابيض هدول اساسيات طبعاً البهارات الباقية اختيارية
  6. انا حطيت بالاضافه للبهارات السابقة زعتر اخضر وكاري وفليفلة ناعمة وفلفل اسود وبودرة بصل وبودرة ماجي الشغلة زوء شخصي
  7. اول شي منلت الفروج بصحن البيض والحليب ثم بصحن الطحين
  8. ملاحظة: بالنسبة للصدر يغط مرتين مشان يتماسك اما الدبوس يكفي مرة واحدة
  9. يقلي بزيت غزير وحامي على نار وسط مدة ربع ساعة او ثلث ساعة يوضع 4 قطع اثناء القلي فقط مشان يستوي وما يبرد الزيت
  10. نقدم جنبها بطاطا مقلية وسلطة روسية وكريم ثوم، وصحتين وهنا
عجبتك الوصفة؟
شوف كل وصفاتنا في مكان واحد
كل الوصفات →