→ كل الوصفات

فسيخ العيد مع البندوره كل عام وانتم بخير

#مريولي_باسمي

  • 3 كيلو فسيخ
  • 20 حبه بندوره حمراء مقشره ومقطعه مكعبات صغيره
  • بصله كبيره مقطعه مكعبات صغيره
  • ملعقه كبيره ملح
  • نص ملعقه صغيره فلفل اسود
  • ملعقه كبيره كمون
  • زيت لقلي الفسيخ
  • طحين لتغطيس لفسيخ
  1. اول شي باخذ الفسيخ وبنقطعه بالماء ليله كامله او ٨ ساعات لحتى يروح منه الملح وبنضفه. بنضف لفسيخ بفتح بطنها وبنشيل الي جواها وبنضفها تحت الماء
  2. ملاحظه بيكون جوه بطنها بطرخ اذا كان ناعم ومالس بيكون زاكي كثير مثل الي بالصوره بنقلى مع الفسيخ. واذا كان خشن هذا ما بينفع بينكب
  3. مرحله القلي بقطع السمكات ثلاث قطع اذا كانت كبيره واذا كانت صغيره قطعتين وبغطس القطع بالطحين وبقليهم بزيت حامي ويكون الزيت لفوق القطع بشوي وبقلبهم لحتى يصير اللون ذهبي وبطلعم من الزيت مثل هيك وباخذ من زيت القلي وبحط ع الفسيخ بعد القلي عشان ما ينشفو قطع الفسيخ
  4. هاي المرحله طبخ البندوره بزيت الفسيخ. باخذ البندوره بقشرها وبقطعها مكعبات وبالطنجره بحط البصله مع زيت الفسيخ بقلبها حتى تتحمر قليلا ذهبيه اللون وبضيف البندوره وبقلبها مع البصله والزيت وبضيف الملح والفلفل الاسود والكون وبتركهم ع نار متوسطه مده نص ساعه مع التقليب كل فتره لحتى ما تلزق بقاع الطنجره بتركها ع النار لحتى تنشف ميتها وبطفي الغاز وذوقو ازكه بندوره بطعم زيت الفسيخ
  5. وصحتين وعوافي
عجبتك الوصفة؟
شوف كل وصفاتنا في مكان واحد
كل الوصفات →