→ كل الوصفات

فسيخ شم النسيم

كل شم نسيم وانتم بخير دة فسيخ عمايل ايدي من غير ملح لاصحاب امراض الضغط العالي وسهل ونضيف وكفاية انة مضمون معمول في البيت

  • سمك بوري طازجة حسب افراد الاسرة
  • ملح خشن او رشيدي
  • شطة
  • اكياس تلاجة
  • علبة بلاستيك للحفظ
  • وخل
  • زيت
  • عصير ليمون
  1. طبعاً بنجيب سمك بوري كبير وطازة وخياشيمة حمرا وريحتة تكون حلوة مش وحشة وبعدين نجيبة ونغسلة تحت الماء ونغسل الخياشيم كويس جداً وبعدين بحط كل سمكة على صينية وتحتيها ورق مناديل ونسند كل سمكة على حيطة في المطبخ وتبقي راسة تحت وديلة فوق ويفضل كدة ١٢ ساعة ولو محتاج يتنشف سبيةويوم كامل وفي كل سمكة الخياشيم فيها مناديل عشان نتاكد ان السمك ناشف من جوة
  2. بعد مانتاكد انة نشف ولونه بقي فضي وناشف كدة نجيب طبق فية ملح خشن وشطة ياعني نص كيلو ملح خشن و١٠ ملاعق شطة كبار ونقلب كله مع بعض ونحشي نخشوش كل سمكة ونتاكد ان الخياشيم مليانة وبعدين نمسك كل سمكة ونجيب كيس تلاجة نحط فية شوية ملح بشطة ونحط السمكة ونلف كل سمكة ونطلع الهوا من الكيس ونلفة ببلاستر ونحطة في كيس تاني وبعدين بعد مانعمل كل الكمية نجيب اكياس كبيرة ونرص كل سمكة عكس عكاس ونحطهم في حوال ٥ او٦ اكياس ونقفل عليهم العلبة ونحطهم في مكان ضلمة في البلكونة بعيد عن الشمس اهم حاجة
  3. ونسيبة اول 3 ايام وبعدين رابع يوم نقلب في العلبة مرة يمين وتاني يوم نقلبه شمال وكل يوم يتقلب مرة عكس الاتجاة لمدة 20 يوم ونفتح عليه وبعدين ننضفة حلو اوي ونقطعة ويتحط عليه زيت وخل وليمون ويقدم والف هنا وشفا
عجبتك الوصفة؟
شوف كل وصفاتنا في مكان واحد
كل الوصفات →