→ كل الوصفات
فطائر البيتزا هي ميكس بين الفطائر والبيتزا🍕 أو بمعنى أوضح الميني بيتزا طريقة تحضيرها بسيط وعجينتها هشة وقطنية👌🏻 ومقاديرها بسيطة متوفرة في مطبخك أكيد لو جربتيها مرة مش هتبطلي تعمليها بعد كدة 😍😋 #العودة_للمدرسة
المقادير
- 3 كوب دقيق
- 2 ملعقة كبيرة حليب بودرة
- 1 ملعقة كبيرة خميرة فورية
- 1 ملعقة كبيرة سكر
- 3 ملاعق كبيرة زيت
- 1/4 ملعقة صغيرة ملح
- 1 كوب ماء
- 1/4 كيلو ميكس الجبن
- طماطم مكعبات
- بسطرمة
- كاتشب
طريقة التحضير
- أولاً جيبي حاجة مناسبة وحوطي فيها الدقيق والسكر والخميرة والحليب البودرة والملح وقلبيهم مع بعض كويس😍
- ضيفي الزيت والماء وأعجني العجينة كويس لحد لما تتكون معاكي عجينة ملساء وبتلزق شوية أعجني حوالي 7 دقايق متبخليش على العجينة في العجن عشان تكون حلوة معاكي 😍
- غطي العجينة وسيبي العجينة تختمر لمدة نصف ساعة وبعد كدة قسمي العجينة الى كرات صغيرة متساوية في الحجم وحوطي الكرات على مفرش سليكون او صينية كبيرة مرشوشة بالدقيق وسيبي الكرات ترتاح لمدة 10 دقائق 😍
- جيبى كأس أو كوب وحوطي قاعدة الكأس في دقيق وبعد كدة أضغطي على كرات العجين في المنتصف عشان يكون في تجويف تعرفي تحوطي فيه الحشوة وبعد كدة اعملي فتحات في التجويف ده بالشوكة 😍
- حوطي الفطائر في صينية مدهونة بالزيت وإدهني كل فطائر البيتزا بالكاتشب من الأطراف ومن الداخل وحوطي الحشوة في منتصف الفطائر وممكن تحوطي الحشوة اللي إنتي بتحبيها غيري في الحشوة زي ما انتي عايزة وبعد كدة دخلي الصينية الفرن على درجة حرارة 200 لحد لما تستوي وتاخد لون حلو وممكن تضيفي زعتر قبل ما تدخل الفرن بتكون حلوة حسب ذوقك ورغبتك 😍
- خرجي الفطائر بعد كدة من الفرن وغطيها بفوطة مطبخ نظيفة لمدة 10 دقائق عشان تكون طرية معاكي وبعد كدة قدميها لكل أفراد أسرتك بجد حلوة أوي ولذيذة وممكن تعمليها في الانش بوكس للأطفال في أيام الدراسة بدل الساندوتشات جربيها بنفسك ومتأكدة إنها هتعجبك 😍❤️🌷
- 😋😋😋😋😋
- 😋😋😋😋😋😋❤️🍕
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد