→ كل الوصفات
#فطائر_البيتزا احلى وأسرع اختراع ممكن تجربوا وخصوصا لو عندنا ولاد هايحبوها اوي تنفع للفطار وللعشا وكمان ممكن تتحفظ في الفريزر وتتسخن ف الميكرويف وهاتبقي زي الطازه بالظبط ❤️🙊
المقادير
- 1/2 كيلو دقيق
- رشه ملح
- 1/2 كوب حليب
- نص كوب ماء وممكن زياده ع حسب احتياج العجينه
- معلقه كبيره خميره
- معلقتين صغيرتين سكر
- 3 معالق سمنه ومعلقه زيت
- جبنه فيتا او كريمي وجبنه براميلي
- جبنه موتزريلا
- زيتون حلقات مخلل
- 3 معلقه كبيره صلصه
- 2 فص توم
- 2 معلقه زيت
- رشه ملح وزعتر
طريقة التحضير
- نحط الخميره والسكر علي بعض وندوبهم في ربع كوب مايه ونسيبها ٥ دقايق
- في بوله ننخل الدقيق ونرش رشه الملح ونحط الخميره
- نبدأ ندوب السمنه والزيت ع النار ونسيبها تبرد
- ننزل بالسمنه وجزء من الحليب والمايه ع العجينه ونعجن كويس
- نكمل العجن بالحليب والمايه لحد ماالعجينه تلم ولو احتاجت ممكن نزود ع حسب احتياج الدقيق
- نسيبها تخمر ونغطيها بكيس بلاستك عشان تخمر من ٣٠ ل٤٥ دقيقه
- نعمل صلصه البيتزا بقى نحمر فصين التوم في الزيت وبعدين ننزل بالصلصه والملح والزعتر ومعلقه مايه ونسيبها ٣ او ٤ دقايق ونطفي عليها
- بعد ماتخمر نفردها علي شكل مستطيل ونحشيها جبنه فيتا وبراميلي
- نلفها رول ونقطعها قطع صغيره وهاتبقي زي السويسرول
- بحط عليها صلصه البيتزا اللي عملناها ونوزع ع الوش الزيتون والجبنه الموتزريلا
- نسيبها ترتاح ٥ دقايق ونسخن الفرن
- ندخلها ع درجه حراره وسط من ١٠ دقايق ل١٥ دقيقه واول ماتلون نرفعها تحت الشويه عشان الجبنه الموتزريلا تذوب
- بس كده وبالف هنا وشفا 😍
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد