→ كل الوصفات
فطائر التمر من المعجنات اللذيذة والسهلة في التحضير مكوناتها بسيطة متوفرة في مطبخك ممكن تعمليها للفطار أو العشا جربيها أكيد هتعجبك جداً 👌🏻😍
المقادير
- 3 كوب من الدقيق
- 1 ملعقة كبيرة خميرة فورية
- 2 ملعقة كبيرة سكر
- 1/4 كوب زيت
- 1 كوب ماء
- 2 ملعقة كبيرة حليب بودره
- رشة صغيرة من الملح
- 1 بيضة
- 1 ملعقة كبيرة خل
- كمية من السمسم
- كمية من التمر المفروم (عجوة)
طريقة التحضير
- أولاً جيبي حاجة مناسبة وحوطي فيها الدقيق والخميرة والسكر والحليب البودرة ورشة الملح وقلبيهم مع بعض كويس جداً 😍
- ضيفي بعد كدة البيضة والخل والزيت وضيفي الماء بالتدريج وأعجني العجينة كويس لحد لما تتكون معاكي عجينة ملساء وبتلزق شوية أعجني حوالي 7 دقايق متبخليش على العجينة في العجن عشان تكون حلوة معاكي 😍
- غطي العجينة بعد كدة وسيبيها تختمر لمدة ساعة وبعد كدة قسمي العجينة الى كرات صغيرة بحجم البيضة وبعد كدة خودي كرة من العجين وافرديها شوية بإيدك وبعد كدة حوطي فيها حشوة التمر وقفلي على العجينة كويس وبعد كدة شكليها على شكل القرص الفلاحي الطرية وأضعطي عليها حبة بإيدك وبعد كدة إعملي فيها خطوط بالسكينة وحوطيها في صينية مدهونة بالزيت 😍
- كملي كل كمية كرات العجينة بالشكل دة وحوطيهم كلهم في صينيه الخَبز وغطيهم وسيبيهم يختمروا مرة تانية لمدة 15 دقيقة وبعد كدة إدهني وش الفطائر بالحليب او صفار البيض عليه ملعقة صغيرة خل وملعتين حليب وأخلطيهم مع بعض كويس وادهني بيه الفطائر ورشي عليهم سمسم وبعد كدة دخلي الفطائر الفرن على درجة حرارة 200 لمدة 15 دقيقة تقريباً ولما تستوي ووجهها يتحمر خرجيها من الفرن وغطيها وسيبيها 10 دقايق عشان تكون طرية معاكي 😍
- قدمي الفطائر بعد كدة مع كوبايه شاي حلوة او نسكافية☕ أو قهوة بجد حلوة ولذيذة وسهلة في التحضير جربيها أكيد هتعجبك 👌🏻ولو عايزة اي سؤال أو استفسار تحت امرك في اي سؤال 😍❤️🤗
- 👌🏻😋😋😋😋
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد