→ كل الوصفات
عندك باقي جلاش نشف منك أو مش هيكمل يتعمل بيه حاجة تعالي نعمل بيه احلى وصفه فالسريع عالطاسة ❤️ متنسوش تنوروني عالقناه أكلات وحلويات بيت العيلة
المقادير
- جلاش حسب المتوفر
- ½ كوب لبن
- الحشو حسب المتاح استخدمت شاورما فراخ
- جبنة موتزاريلا ان وجد
- معلقه صغيره زبدة
طريقة التحضير
- هنكسر الجلاش خالص وندهن طاسه زبدة بسيط اوي ونوزع عليها طبقة من الجلاش المكسر طبقة مش عاليه يادوب تغطي سطح الطاسه ونوزع عليها لبن بالمعلقه بسيط اوي
- هنضيف الحشو ونوزع عليه طبقة بسيطة من الجلاش يادوب تغطي الحشو ونوزع عليها برضه لبن بسيط اوي
- هنحطها على نار هادي تستوي من تحت كويس اوي اول ماتسيب الطاسه من تحت يبقى كدا استوت من تحت هنقلبها تستوي من وجهها وأول ماتسيب من تحت برضه يبقى استوت
- تتقطع وتتقدم ساخنة وبالهنا ✋💪
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد