→ كل الوصفات

فطائر الحليب الروسية

احلى صباح ده ولا ايه 😍😍 النهاردة هنعمل وصفه سهله وبسيطه وسريعه جداً عشان نفطر او نتعشي بيها 🤩 مش بتحتاج ولا فرن ولا خميرة ومكوناتها بسيطه جداً وموجودة عندنا كلنا يلا نشوف المقادير ❣

  • 5 اكواب دقيق
  • معلقة صغيرة بيكنج بودر
  • معلقه صغيرة ملح
  • معلقتين ونصف كبار زيت
  • كوب ونصف لكوبين حليب حسب احتياج العجينه
  • جبنة بيضاء
  • بصل اخضر
  • حبه البركه
  • فلفل اسود
  • زبدة عشان ندهنها اول ما تطلع من النار
  1. هنحط الدقيق على البيكنج بودر والملح والزيت وهنبدأ بكوب ونصف حليب ونبدأ بالعجن لحد ما توصل لعجينه ناعمه وطرية السطح بتاعها املس
  2. هنسيبها ترتاح شويه وهنحضر الحشوة هنحط الجبنة البيضاء مع البصل الاخضر ورشه حبه البركه ورشه ملح وفلفل ونخلطهم كويس وبس كده
  3. هنبدا بتشكيل العجينه على سطح مرشوش دقيق هنقسمها لكور ونبدأ نفردها ونقطعها دوائر وبعدين هحط الجبنة في نص الدايرة وافردها ونقفلها نص على نص وبقفلها كويس عشان الجبنة متطلعش منها
  4. هنبدا نسويها في طاسه ساخنه على النار على نار متوسطه ومش هندهن اي حاجه هنحط كل قطعه لحد ماتاخد لون ذهبي الحلو ده حوالي دقيقتين على كل جمب
  5. وبعدين اول ما نطلعها من النار هندهنها مسحه بسيطه من الزبدة على كل جمب ونغطيها عشان تفضل طرية وهتدي طعم حلو اوي وبس كده بنقدمها ساخنه طبعاً وبالف هنا وشفا اتمنى تكون عجبتكم وتجربوها ❤
عجبتك الوصفة؟
شوف كل وصفاتنا في مكان واحد
كل الوصفات →