→ كل الوصفات

فطائر الحواوشي باللحمة المفرومة 😋💓

#امي_جنتي طريقة حواوشي سهلة وطعمها تحفة بجد 👌😍🤗

  • للعجينة نحتاج
  • 3 كوب دقيق
  • 1 ملعقة كبيرة خميرة
  • 2 ملعقة كبيرة لبن بودرة
  • 2 ملعقة كبيرة زبادي
  • رشة ملح
  • 1 ملعقة صغيرة سكر
  • 1 كوب ماء دافئ
  • 1/4 كوب زيت
  • للحشوة نحتاج
  • 1/2 كيلو لحمة مفرومة
  • 2 بصلة مبشورة
  • 2 فلفل أحمر واخضر مقطع مكعبات
  • 1 ملعقة كبيرة كاتشب
  • 1/2 ملعقة صغيرة ملح
  • 1/2 ملعقة صغيرة فلفل اسود
  • 1/2 ملعقة صغيرة بهارات لحمة
  • 1/2 ملعقة صغيرة بابريكا
  • 1/2 ملعقة صغيرة قرفة
  • 1 حزمة بقدونس مفروم
  1. أولاً في طبق غويط نضع الدقيق والسكر والخميرة ورشة الملح ولبن البودرة ونقلبهم مع بعض كويس وبعدين نضيف الزبادي والزيت ونضيف الماء ونعجن كويس حوالي٧دقايق إلى أن تتكون عجينة ملساء وبتلزق شوية متبخليش على العجينة في العجن عشان تكون حلوة معاكي 😍
  2. جيبي طبق غويط وحوطي فيه حبة زيت وبعدين حوطي فيه العجينة وغطيها وسبيها تختمر حوالي ساعة وبعد لما تختمر نكورها كور صغيرة ونضعهم في صينيه مرشوشه بالدقيق ونغطيها بفوطة مطبخ نظيفة وبعدين نأخذ كورة من العجين ونفردها بأيدينا ونضع فيها حشوة اللحمة ونكورها وبعدين نبططها شوية عشان تكون مثل الدائرة الصغيرة وبعدين نضعها في صينية مدهونة بالزيت ونكمل كل الكمية بالشكل دة ونسبها تختمر تاني حوالي 10دقائق 😍
  3. ندهن وجهها بعد لما تختمر باللبن وندخلها الفرن على درجة حرارة ١٨٠ حوالي نصف ساعة ولما تستوي نخرجها من الفرن ونغطيها ونسبها 10دقائق عشان تكون طرية معانا وقدميها بئا بعد كدة بجد روعه جربيها هتعجبك جداً وبالهنا والعافية يارب 😍🤗😘🌹💓
  4. بالنسبة لحشوة اللحمة بنجيب طبق غويط ونضع فية اللحمة المفرومة والبصل والبقدونس وكل البهارات الموجودة في المكونات والكاتشب والفلفل الألوان ونخلطهم مع بعض كويس وندخل الحشوة ترتاح في الثلاجة 1/2ساعة قبل ما تحشي بيها الفطائر 😍💕
عجبتك الوصفة؟
شوف كل وصفاتنا في مكان واحد
كل الوصفات →