→ كل الوصفات

فطائر الخبز البايت👍

طريقة عمل فطائر الخبز البايت👍 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • ميه دافيه حسب الاحتياج
  • كمية من الخبز البايت او الناشف حسب المتاح
  • معلقه كبيره خميرة
  • معلقه سكر صغيرة
  • معلقه كبيره بيكنج بودر
  • معلقه خل كبيره
  • دقيق حسب الاحتياج
  • 4 معالق كبار زيت
  • الحشو حسب الرغبة
  • الوجه بيضة
  • سمسم
  1. البدايه في بوله غويطه هنضيف العيش وعليه كمية من الماء الساخنة ونغطيهم لما العيش يتشرب الماء ويبوش خالص
  2. في ربع كوب ميه دافي هنضيف الخميره والسكر ونخليها على جمب نتأكد من نشاط الخميره
  3. هنأخذ العيش بعد مااتشرب الماء وبقي طري خالص هنقوم بالضغط عليه لإخراج كل السوايل الزياده منه وممكن نحطه في مصفى ونضغط عليه كويس لضمان نزول كل السوايل
  4. هنهرسه كويس اوي لمنع وجود أي تكتلات وممكن نضربه في الكبة لو حابين
  5. هنضيفه في بوله وننزل عليه الخميره بعد نشاطها والبيكنج بودر والخل والزيت ونضيف الدقيق شويه بشويه لما العجينة تتلم معانا مش بتلزق بس طريه
  6. نقسمها كور صغيرة ونحضر الحشو انا استخدمت فالحشو جبنة رومي للحادق وللحلو سكر بقرفه
  7. الي بالجبنه دهنت الوجه بيض وسمسم واللي بالسكر دهنت الوجه بيض وحطيت عليه سكر بقرفه
  8. سيبتها تختمر حوالى نص ساعة فالحر
  9. سخنت الفرن على درجة حراره 220فرن وشوايه واول ماخرجت اديتها رشة ميه وتتقدم فطار او عشا حسب الاستهلاك وبالهنا
  10. ملحوظة اولا محدش لاحظ خالص انها بالعيش الناشف لاني كان عندي كمية واستحرمت انها تترمي ثانيا ممكن تبدلو العيش بالبقسماط المطحون لو عندكو كمية بخلطه مع الدقيق والعجن بالماء عادي
عجبتك الوصفة؟
شوف كل وصفاتنا في مكان واحد
كل الوصفات →