→ كل الوصفات
طريقة سهلة وبسيطة لعمل فطائر الطاسة من خير تخمير ولا مكونات كتير هنعمل أحلى فطائر وممكن تستبدلي الحشوة بأي نوع حشوة بتحبيها 😍 #المريول_العالمي #نقانق #فطائر
المقادير
- 2 كوب دقيق
- 1 ملعقة صغيرة سكر
- 1/4 ملعقة صغيرة ملح
- 2 ملعقة كبيرة زيت
- 1 كوب ماء
- كمية من السوسيس(نقانق)
- كمية من الفلفل الألوان
- كمية من ميكس الجبن
طريقة التحضير
- أولاً جيبي طبق عميق وحوطي فية الدقيق والملح والسكر والزيت وقلبيهم مع بعض كويس 😍
- ضيفي الماء بالتدريج وأعجني العجينة كويس لحد لما تتكون معاكي عجينة ملساء وبتلزق شوية أعجني حوالي 7 دقايق متبخليش على العجينة في العجن عشان تكون حلوة معاكي 😍
- قسمي العجينة إلى أربع كرات متساوية وحوطي كل الكرات في طبق وحوطي عليهم 3 ملاعق كبيرة زيت وغطي كرات العجين وسيبيهم يرتاحوا لمدة 10 دقائق 😍
- جيبى كرة من العجين وأفرديها بإيدك وحوطي عليها حبة زيت وأنتي بتفرديها وحاولي أفرديها ويكون سمكها رفيع وبعد لما تفرديها حوطي الحشوة في المنتصف وقفلي على العجينة بحيث يكون شكلها مربع وسيبيها ترتاح تاني 10 دقائق 😍
- كملي كل كرات العجين بالشكل ده وسيبيهم يرتاحوا 10 دقائق وبعد كدة أفرديهم تاني بإيدك حبة وجيبي مقلاة وحوطيها على النار وحوطي فيها زيت وبعد كدة حمري الفطائر على نار هاديه ولما تستوي ولونها يكون ذهبي حلو خرجيها من المقلاية وغطيها وسيبيها 10 دقايق عشان تكون طرية معاكي 😍
- قدمي الفطائر بعد كدة لأطفالك وكل أفراد أسرتك وممكن تعمليها في الانش بوكس بديل الساندوتشات بجد حلوة أوي ولذيذة جربيها أكيد هتعجبك 😍❤️🌷
- بالنسبة للسوسيس لازم تقطعية قطع صغيرة وتسوية في المقلاية قبل ما تحشى بيه الفطائر دي معلومة لو أول مرة تحشي الفطائر أو المعجنات بالسوسيس😍
- 😋😋😋😋😋😋😋
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد