→ كل الوصفات

فطائر الطاسة بحشوة اللحمة المفرومة 😋❤️

فطائر لذيذة😋👌🏻 وسهلة وعجينتها بسيطة من غير خميرة ولا تخمير ممكن تحشيها بأي حشوة بتحبيها بس انا حشتها باللحمة المفرومة😍 جربي فطائر الطاسة بالطريقة دي مش هتبطلي تعمليها ✌️🤩 #العلاج_بالطبخ #القادم_احلى #العلاج_بالخبز #الطبخ_مؤنس_الوحدة #Cookingtherapy

  • 3 كوب دقيق
  • 1 ملعقة كبيرة بيكنج بودر
  • رشة صغيرة من الملح
  • 1 ملعقة كبيرة سكر
  • 3 ملاعق كبيرة زيت
  • 1 كوب ماء
  • 1/4 كيلو لحمة مفرومة
  • 2 بصلة كبيرة مبشورة
  • 3 ملاعق كبيرة زيت
  • 1 ملعقة كبيرة سمنة
  • 1 ملعقة صغيرة ملح
  • 1 ملعقة فلفل أسود
  • 1 ملعقة صغيرة بهارات لحمة
  • 1/4 ملعقة صغير ة قرفة
  • فلفل رومي مقطع مكعبات صغيرة
  1. نحضر العجينة الأول جيبى طبق عميق وحوطي فية الدقيق والبيكنج بودر والسكر والملح وقلبي كل المكونات مع بعض كويس 😍
  2. ضيفي الزيت وضيفي الماء بالتدريج وأعجني العجينة كويس لحد لما تتكون معاكي عجينة ملساء وبتلزق شوية أعجني حوالي 7 دقايق متبخليش على العجينة في العجن عشان تكون حلوة معاكي وبعد كدة غطي العجينة وسيبي العجينة ترتاح لمدة 15 دقيقة أو نصف ساعة وممكن تستبدلي كوب الماء بنصف كوب حليب ونصف كوب ماء حسب المتوفر عندك 😍
  3. في الفترة دي نحضر الحشوة جيبى مقلاية وحوطيها على النار وحوطي فيها زيت وسمنة وضيفي البصل المبشور وحمري البصل حبة وبعد كدة ضيفي اللحمة المفرومة والملح والفلفل الأسود والقرفة وبهارات اللحمة وقلبي كل المكونات مع بعض وبعد كدة ضيفي الفلفل الرومي المكعبات وقلبي كل المكونات مع بعض لمدة 5 دقائق وبعد كدة شيلي المقلاية من على النار وسيبي حشوة اللحمة المفرومة تبرد خالص😍
  4. بعد لما العجينة أرتاحت قسمي العجينة بعد كدة إلى كرات صغيرة متساوية في الحجم وحوطي الكرات على مفرش سليكون او صينية كبيرة مرشوشة بالدقيق و غطي كل الكرات عشان متنشفش وبعد كدة خودي كرة من العجين وأفرديها بإيدك حبة وبعد كدة حوطي حشوة اللحمة المفرومة وقفلي على العجينة وبعد كدة أضغطي على العجينة بحيث يكون شكلها زي القرص الفلاحي الطرية 😍
  5. وخلصي كل كمية العجين بالشكل ده وأحشيهم باللحمة المفرومة وممكن تضيفي جبنة موتزاريلا لو متوفر عندك 😍
  6. جيبى طاسة أو مقلاية وحوطي فيها حبة زيت وحمري كل الفطائر على الجانبين على نار هاديه ولما تستوي ولونها يكون ذهبي جميل خرجيها من المقلاية وحوطي الفطائر في طبق التقديم 😍
  7. قدمي الفطائر بعد كدة على الغداء أو العشاء لكل أسرتك💕 بجد الوصفة حلوة جداً💯 وبسيطة وطعمها لذيذ جربيها بنفسك وأكيد هتعجبك 😍❤️🌹
  8. 😋😋😋😋😋❤️
عجبتك الوصفة؟
شوف كل وصفاتنا في مكان واحد
كل الوصفات →