→ كل الوصفات

فطائر الطاسة

الذ فطائر ممكن تعمليها في اقل من ربع ساعة بطريقه سهلة وبسيطه جداً ومكوناتها كلها بالبيت وهاتعجب كل اللي هاياكل منها باذن الله 🫶🏻 جربوها #ع_طريقتي ومش هاتندمو ابدا

  • كيلو دقيق
  • رشه ملح
  • م ك سكر
  • م ك بيكنج بودر
  • ماء دافيه
  • زيت نباتي او زبدة
  • بواقي فراخ مسلوقه
  • 1/2 كيلو سبانخ
  • 4 طماطم
  • 2 بصلة كبيره
  • ربطه كزبرة خضرا
  • زيت
  • فلفل حامي
  • ملح
  • فلفل اسود
  • كمون ناشف
  • كزبرة ناشفة
  1. ف الاول هانعمل العجينة ونسيبها ترتاح.. بعدها هانقطعها كور وندهن الصينية زيت ونرص الكور ونغطيها ترتاح شويا
  2. نعمل حشوتنا بقي.. هاقطع بواقي الفراخ واقطع البطل مكعبات والطماطم كمان والسبانخ.. هانحط الزيت في الحله وننزل بالبصله نشوحها وبعد ننزل بالفراخ ونقلبها وننزل بالطماطم والفلفل ونقلبهم نحط بهاراتنا بقي ونزبطها ننزل بالسبانخ تأخذ بس تشوحيه كدا ونطفي عليها النار
  3. هانبدا نفرد كور العجين وحدا وحدا طبعاً بالزيت عادي ونحط الحشو على طول نكون حطينا الجريلا على النار تسخن وفيها رشة زيت ونحط الفطائر ونخليها لحد ما تحسي انها استوت وتقلبيها وهكذا لحد ما تخلصي كل الكميه.. وقدميها مع الطحينه والمخلل وبالهنا والشفا 🫰🏻🌸
  4. طبعاً مافيش اسهل ولا احلى من كدا.. تنفع غدا وانفع عشا حلو وخفيفه جداً. و الحشوات على كيفيكم 🫰🏻😉✌️
عجبتك الوصفة؟
شوف كل وصفاتنا في مكان واحد
كل الوصفات →