→ كل الوصفات

فطائر الكريب بالسلامي والبسطرمة 😋

متعودين على شكل الكريب التقليدي بس المرة دي هنعملة على شكل فطائر والحشوة جوا مش هتخرج منه خالص عشان أولادنا الحلوين إللي بيوقعوا الأكل أكيد عارفين ومجربين🤩

  • 2 كوب لبن
  • 2 كوب دقيق
  • 1 بيضة
  • 1 ملعقة صغيرة سكر
  • رشة صغيره من الملح
  • 3 ملاعق صغيرة زيت
  • 1 ملعقة كبيرة خل
  • كمية من ميكس الجبن
  • كمية من البسطرمة
  • كمية من السلامي
  1. أولا في الخلاط حوطي البيضة واللبن والدقيق والخل ورشة الملح والسكر والزيت وأخلطيهم مع بعض كويس جداً 😍
  2. جيبي مقلاية غير لاصقه وإدهنيها بقليل من الزيت وحوطي فيها كمية من عجينه الكريب في منتصف المقلاية وبعد كدة وزعي العجين في المقلاية كلها وهدى النار ولما يتحمر من تحت إقلبي العجينة على الجنب التاني ولما هي كمان تتحمر شوية وتأخذ لون خرجيها من المقلاية😍
  3. جيبي طبق بعد كدة وحوطي فية الكريب وغطية بفوطة مطبخ نظيفة عشان يكون طري معاكي وخلصي بئا كل كمية عجينة الكريب بالشكل دة وغطى كل الكمية 😍
  4. جيبي بئا واحدة من عجينة الكريب وحوطي فيها حشوة الجبن والسلامي والبسطرمة في منتصف العجينة وبعد كدة طبقي العجينة من كل جانب بحيث يكون شكلها مربع وبعد كدة حوطيها في المقلاية تاني تأخذ لون حلو من الجانبين والجبنة تسيح جوا وبعد كدة خرجي الكريب من المقلاية 😍
  5. كملي بئا كل كمية الكريب كدة وممكن تحشيه حشوات مختلفة لو عايزة وقدمي الكريب بعد كدة للأولاد هيفرحوا جداً بجد حلو أوي جربيه إن شاء الله هيعجبك وبالعافية عليكي حبيبتي 😘🌹❤️
  6. 😋😋😋😋😋😋😋
عجبتك الوصفة؟
شوف كل وصفاتنا في مكان واحد
كل الوصفات →