→ كل الوصفات
الفطائر دي سهلة جداً ومن غير تخمير ولا بتحتاجي خميرة بتعمليها بسرعة🏃♀️ لو محتاجة وصفة سهلة وسريعة للفطار أو العشا.. وحشيت الفطائر بسطرمة وميكس جبن لو عايزة تحشيها أي حشوة تانية براحتك إنتي وذوقك.. وجربيها بجد هتعجبك جداً 👌😍
المقادير
- 2 كوب دقيق
- 2 ملعقة كبيرة زيت
- 1 ملعقة كبيرة بيكنج باودر
- 1 ملعقة كبيرة سكر
- رشة ملح
- 1/2 كوب لبن
- 1/4 كوب ماء
- كمية من البسطرمة
- رومي
- موتزاريلا
- شيدر
طريقة التحضير
- أولاً في طبق غويط حوطي الدقيق والسكر والملح والبيكنج بودر وقلبيهم مع بعض كويس وبعدين حوطي الزيت واللبن والماء بالتدريج وأعجني حوالي٧دقايق لحد لما يتكون معاكي عجينه ملساء ناعمة 😍
- كوري بعد كدة العجينة كور صغيرة بحجم البيضة وحوطيهم في طبق مدهون بالزيت وغطي الطبق وسيبي العجينة ترتاح 1/4ساعة😍
- جيبي كورة من العجين وأفرديها بإيدك وإحشيها بالجبن والبسطرمة وأقفلي العجينة تاني وبعدين اضغطي عليها بإيدك بسيط عشان تكون زي الفطيرة الصغيرة وكملي كل كمية العجين بالشكل دة 😍
- جيبي مقلايه وحوطي فيها حبة زيت ولما تسخن حوطي فيها الفطائر وهدى النار عليها وحمريها من الجانبين وبعد كدة طلعيها من المقلاية وغطيها حوالي 10 دقائق عشان تكون طرية معاكي وبعدين قدميها بعد كدة بجد حلوة اوي😋 وممكن تحشيها اي حشوة تفضليها جربيها وإن شاء الله هتعجبك وبالعافيه عليكى حبيبتي 😘💞🌹
- 😋😋😋😋😋😋😋
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد