→ كل الوصفات
طريقة عمل فطائر بالجبنه واللحمه المفرومه سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- كوب زبادي
- كوب زيت
- كوب ماء دافئ
- 2 معلقه كبيره سكر
- معلقه صغيره ملح
- 6 ونص كوب دقيق
- معلقه كبيره خميره
- 2 بياض بيضه
- للحشو
- 1/4 كيلو جبنة بيضه او جبنة فيتا او عكاوي حسب المتوفر
- كوب زيتون اسمر مخلي حلقات
- 1/2 كيلو لحمة مفروم
- 1/2 كوب بقدونس مفروم
- 1/2 معلقه صغيره ملح
- 1/2 معلقه صغيره فلفل اسود
- بصله صغيرة مفرومه
- فص ثوم مفروم
- رشه كزبره ناشفه
- معلقه كبيره زيت
- خليط الوجه
- صفار البيض
- معلقه كبيره حليب
- 1/2 معلقه صغيره فانيليا
- معلقتين كبار سمسم محمص
- معلقتين كبار حبه البركه
طريقة التحضير
- في وعاء نضع الخميره والسكر والماء الدافئ ونقلب كويس ونسيبه 5 دقائق
- بعد كده نضيف عليهم الزيت والزبادي وبياض البيض والملح ونقلب كويس جداً بعد كدا نضيف الدقيق عليهم ونعجن كويس جداً مش اقل من 10 دقائق لغايه ماتلم معانا نغطيها ونسبها تتخمر في مكان دافي لمده 45 دقيقه
- نحضر الحشو في طاسه على النار نضع الزيت والبصله ونقلب لغايه ما البصل يذبل ننزل باللحمه المفرومه ونقلب وبعدين نحط عليها الملح والفلفل الأسود ونقلب ورشه كزبرة ناشفه ونسبها تستوي بعد كده نضيف عليها البقدونس ونقلب كويس
- نجيب طبق ونحط فيه الجبنة والزيتون ونقلب كويس
- بعد مرور وقت التخمير نجيب العجينه ونخرج منها الهوا ونرش شويه دقيق ونفرد العجينه ونقسمها لي 12 كوره متوسطه الحجم ونغطيها ونبدء بااول كوره ونفردها بشكل طولي وعريض شويه ونحط حشوه اللحمة ونقفل من الجنبين ونقلبها ونقفل من تحت ونحطها في صينيه الخبز على ورق زبدة لغايه مانخلص نص الكميه ونغطيها
- حشوه الجبنة هتكون بنفس الطريقه بظبط لغايه مانخلص باقي الكميه وتكون شكلها زي السندوتش ونغطيها لمده 15 دقيقه
- نحضر سائل التلميع نحط على صفار البيض الحليب والفانيليا ونقلب كويس وبعد مرور الوقت ندهن الوجه لكل صينيه بالسائل ونرش على الوجه لفطائر اللحمة حبه البركه وفطائر الجبنة سمسم محمص
- وندخلها فرن سخن مسبقاً من 15 الى 20 دقيقه و اول ماتخد اللون الذهبي من تحت نقفل الفرن ونشغل الشوايه علشان تأخذ لون ذهبي من فوق وبعد كده نطلعها ونغطيها علشان تفضل طريه وهشه وبالف هنا 😉
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد