→ كل الوصفات

فطائر بالموتزاريلا والبابريكا 😋💓

وصفة جميلة جداً وسهلة وهشة و طعم الجبنة الموتزاريلا والبابريكا حلو أوي😋 وممكن تحشيها حشوات مختلفة لو عايزة تغيري في الحشوة جربيها وإن شاء الله هتعجبك😍👌

  • 2 كوب دقيق
  • 2 ملعقة كبيرة لبن بودرة
  • 1 ملعقة كبيرة خميرة فورية
  • 1 ملعقة كبيرة سكر
  • رشة صغيره من الملح
  • 1/2 كوب لبن دافئ
  • 1/4 كوب ماء
  • 3 ملاعق كبيرة زيت
  • كمية من جبنة موتزاريلا
  • بابريكا
  1. أولا جيبي طبق غويط وحوطي فيه الدقيق والخميرة والسكر ورشة الملح واللبن البودرة وقلبيهم مع بعض حوطي بعد كدة الزيت واللبن وحوطي الماء بالتدريج واعجني العجينه مش اقل من 7 دقائق عشان تكون الفطائر حلوة متبخليش على العجينة في العجن😍
  2. بعد كدة جيبي طبق غويط وحوطي فيه حبة زيت وحوطي فيه العجينة وغطى العجينة وسيبيها ترتاح لمدة ساعة😍
  3. بعد لما العجينة تختمر قسميها كور صغيرة بحجم البيضة وحوطي كور العجين في صينية مرشوشة بالدقيق وغطى الكور بفوطة مطبخ نظيفة وبعد كدة خودي كورة من العجين ورشي الرخامة بالدقيق وحوطي كورة العجين عليها وافرديها بإيدك وظبطيها بحيث يكون شكلها زي الطبق الصغير زي الصورة👇
  4. خلصي بئا كل كمية العجين بالشكل دة وبعد كدة أدهني الفطائر بالزيت وبعدين حوطي الجبنة الموتزاريلا ورشي عليها بابريكا ودخلي الصينية الفرن على درجة حرارة 200 لمدة 10 دقائق لحد لما تستوي والموتزاريلا تأخذ لون حلو وبعد كدة خرجيها من الفرن وغطيها لمدة 10 دقائق عشان تكون طرية معاكي😍
  5. قدمي بئا الفطائر الحلوة دي على الفطار أو العشا هتعجبك جداً وبالعافية عليكي حبيبتي 😘💓🌹
  6. 😋😋😋😋😋
عجبتك الوصفة؟
شوف كل وصفاتنا في مكان واحد
كل الوصفات →