→ كل الوصفات
الوصفة دي جربتها من الشيف الحلوة #Asmaa_Abd_ELMONEIM #فرح_قلبه بجد انبسطت بتجربة جدا انا بس مكنش عندي جبنة رومي ف استخدمت اللي عندي كانت شيدر ورقيقه اوي علشان كده ساحت بس ف المجمل الوصفة هتعجبكم جدا ❤️ ماشاء الله #فطائر #معجنات
المقادير
- 1/2 (3 كوب) دقيق متعدد الاستخدامات منخول كويس
- 3 م ك لبن بودرة
- 3/4 م ص بيكنج بودر
- 3/4 م ك خميرة فورية
- 3/4 م ك سكر
- 1/2 كوب ماء فاتر
- م ك زيت زيتون
- كوب زبادي صغير (125 جرام)
- 1/4 م ص ملح
- 1/8 ك سلامي
- شرائح زيتون مخلي ومقطع
- 1/8 ك جبنة رومي قديمة (مكنش عندي ف استخدمت شيدر)
- م ص زعتر مفروم
- رشة ملح وفلفل
- 2 م ك كاتشب
- ماء للعجن (انا استخدمت ماء دافي شوية)
طريقة التحضير
- هنجيب نص كوب ماء فاتر هنحط عليه الخميرة والسكر ونقلبهم كويس ونسيبهم يتفاعلوا
- ونجيب بولة (او عجان)هنحط دقيق ونحط كل المكونات الجافة عليه ونخطلهم وبعدين نحط الخميرة بعد ما اتفاعلت ونقلب وبعدين نحط الزيت والزبادي و الماء بالتدريج ونقلب لحد ماتتكون عجينة متماسكة
- نفضل نعجن حوالي ٨ دقايق لحد ما نوصل لعجينة ملساء وطرية
- نغطي العجينه و نحطها ف مكان دافي تتخمر (حوالي ٤٥ دقيقه)
- نفرغ الهوا من العجينه وتقسم ل ٤ كور
- كل كرة نفردها بالنشابه ع سطح مرشوش بالدقيق لحد ماتبقى طبقة رقيقا ونقطعها بقطاعات دايرة و نخرمها بشوكة
- نرصص الفطائر ع صينية مدهونه خفيف بالزيت ونحط ع فطائر كاتشب والسلامي والجبنه والزيتون ورشة الزعتر والملح والفلفل الاسود
- ونحطها ف فرن يكون متسخن مسبقاً ع درجة حرارة ٢٠٠ لمدة ١٥ دقيقه تاخد لون دهبي
- ونطلعها نرش ماء خفيف ونغطيها بفوطة نضيفه من فوق وكيس بلاستيك فوقهم علشان تفضل محتفظة بفكرة انها طريه حلوة ونقدمها وبألف هنا💕
- ملحوظة صغيرة لو هتستخدمي جبنة شيدر او رومي و فرنك عالي زي بتاعي و الشرائح الجبنة رفيعة بزيادة (علشان ماتسحش اوي زي بتاعتي) يفضل انك ماتحطيش الجبنه دلوقتي انتي تستني الفطائر تستوي وبعدين نحط الجبن وندخلها الفرن تاخد لون وبألف هنا♥️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد