→ كل الوصفات
العجينة المستعملة بطريقة المبدعة Om Muhammed 😍
المقادير
- للعجينة
- 2.5 كوب دقيق
- علبة زبادي كبيرة
- حوالي نص كوب لبن دافي للعجن
- م.ك خميرة فورية
- 2 م.ك سكر
- رشة ملح
- 0.25 كوب زيت زيتون
- للوجه
- صفار بيضه
- م.ص. خل
- م.ك. لبن
- الحشو
- كفتة بيتي مستوية باي طريقة تحبيها
- اصابع سوسيس صغيرة مستوية باي طريقة تحبيها برضه
- جبنة موتزاريلا
طريقة التحضير
- نخلط الخميرة والسكر وشوية لبن دافي ونسيبها تتفاعل حوالي 10 دقايق
- ننخل الدقيق مع رشة الملح ونخلطه كويس جدا مع الزبادي وبعدين نضيف اللبن بالتدريج لحد مانحصل على عجينة متماسكة نستمر في العجن شوية
- وبعدين نضيف زيت الزيتون ونعجن كويس جدا جدا لحد ما العجينة تتشرب الزيت (الطريقة دي بتديني نتيجة ممتازة للعجينة افضل من وضع الزيت في الاول)
- هنسيبها في مكان دافي لمدة ساعة تقريبا لحد ماحجمها يتضاعف
- وبعدين هنبتدي نشكلها هناخد كورة من العجينة متوسطة الحجم ونفردها على راحة الايد ونحط في النص الكفتة او السوسيس وعليه شوية موتزاريلا صغيرة عشان العجينة تقفل معانا كويس
- هندهن وش العجينة بصفار البيضه وعليها نقطتين خل وملعقة لبن كبيرة ونرشها بالسمسم
- هنسيبها في الصينية ترتاح ربع ساعة وبعدين ندخلها الفرن لحد ماتستوي ونحصل على اللون الدهبي الجميل ده
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد