→ كل الوصفات

فطائر ومعجنات بالسوسيس والجبنة

طريقة عمل فطائر ومعجنات بالسوسيس والجبنة سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 1/2 كيلو دقيق
  • ملعقتين كبار سكر
  • ملعقة كبيرة خميرة فورية
  • ملعقة صغيرة بيكنج باودر
  • 1/2 ملعقة صغيرة ملح
  • كوب لبن دافي
  • كوب ميا دافي
  • 1/4 كوب زيت
  • بيضة
  • لبن
  • خل
  • سمسم وحبة البركة
  1. هحط الدقيق والسكر والخميرة والبيكنج باودر والملح على بعض ونقلبهم وننزل عليهم باللبن والزيت ونعجن
  2. نبدأ نضيف الميا شويه شويه منحطش الميا مرة واحدة لا شويه شويه واحنا بنعجن لحد ما نلاقي العجينة تمام ولو حسيناها ملزقة شويه ممكن نضيف رشة دقيق وحبة زيت صغيرين ونسيبها تخمر بعد كده نطلع منها الهوا
  3. نرش على الرخامة دقيق ونفردها خالص ونبدأ نقطع منها ونحشي بقى اللي احنا عايزينه انا عامله سوسيس بس قبل ما احشي بيه نزلته في ميا مغليه دقيقتين كده وطلعته برد والمربع جبنه ونحشي العجينة كلها واللي نعمله نحطه في الصنية مدهونه زيت ونسيبه يخمر
  4. نكون مجهزين بيضة عليها شويه لبن ومعلقة خل عشان زفارة البيض ندهن بيها الوش ونرش السمسم وحبة البركة وع الفرن على طول 10 دقائق ونبص عليها لو استوت واحمرت نطلعها على طول ونحطها في كيس او نغطيها بحاجه عشان تطرى ومتنشفش وبالهنا والشفا ⁦♥️⁩
عجبتك الوصفة؟
شوف كل وصفاتنا في مكان واحد
كل الوصفات →