→ كل الوصفات
فطار تم ترشيحه من أخصائي تغذية و معاه شوية اضافات مني. ملحوظة 🚨هامة : الافضل تغسل سنانك بعد الاكلة ومتكلهاش قبل ما تنزل من البيت عشان الثوم 🤪
المقادير
- 4 بيضات 🥚 🥚 🥚 🥚
- 1 طبق كرنب و خس 🥬 وجرجير
- 2 فص ثوم 🧄
- 25 جم جبنه بارميزان 🧀
- 2 معلقة زيت زيتون
- 1 معلقة خل بلسميك او خل تفاح
- 4 قطع Cold cuts أي نوع تحبه (اختياري)
طريقة التحضير
- بنغسل الخضار ونسيبه ينشف شوية
- والخضار بينشف شويه بنحضر البيض ونحط عليه الجبنه ونقلب
- بنحط زيت زيتون ع النار شوية يسخن
- وبعدين ننزل بالبيض، ونحط فوقيه التوست، ونقفل ع الطاسة بغطا ع نار هاديه لحد ما نخلص السوتيه. 📝تغطيه البيض مهمة بتخليه يستوي براحته من عير ما يتحرق
- نيجي ع السوتيه، نحط زيت زيتون يسخن شويه وننزل بالثوم نقلبه شوية لحد ما ريحته تطلع
- في نفس الطاسة ، نحط كل الخضار ونقلبهم مع بعض مع الثوم لمدة دقيقه - نحاول ما نسيبهمش كتير ع النار عشان قيمتهم الغذائية
- بنقطع البيض وهو لسه في الطاسة والتوست هيكون لزق فيه وده اللي احنا عايزينه 🥰 ونقلبه ياخد وش من الحراره بتاعه الطاسه
- نحط الخضار السوتيه ع طبقة البيض بالتوست، وفي الوقت ده نسيب قطعتين توست تانيين يسخنوا نقفل بيهم الساندوتش
- ممكن تحط طبقة cold cuts برده فوق الخضار وتقفل بشريحة توست تانية
- وبالهنا والشفا 🥰
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد