→ كل الوصفات

فطاير البيض بالطاسه

طريقة عمل فطاير البيض بالطاسه سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • الحشو
  • بصله صغيره
  • طماطمايه صغيره
  • 4 أصابع كفته أو أي لحوم متواجده
  • 1/2 كوب جبنه رومي أو موتزاريلا
  • بيضتين
  • ملح وفلفل
  • العجينه:6 بيضات
  • كوب لبن
  • معلقتين كبار دقيق
  • ملح وفلفل
  1. هنقطع البصل والطماطم والكفته أو أي لحوم باقيه الطماطم هناخد اللحم بتاعها ونقلبهم كويس مع بعض جدا
  2. هنضيف البيض واللبن والدقيق والملح والفلفل ونقلبهم كويس لما تتكون عجينه سايله شبه الكريب
  3. هنسخن الطاسه بقى عالنار وندهنها سمنه وتشششش ننزل بمقدار من العجينه مناسب على حجم الطاسه ونوزعه كويس ونسيبه عالنار يستوي من تحت حلو جدا ونقلبه يستوي من الوش ونقلبه تاني عالضهر ونرص الحشو فالنص
  4. هنلف الفطاير رول ونكمل التسويه على الوشين كويس جدا ونرصهم فالطبق ويتقدم سخن وجبه فطار أو عشا بالهنا ✋💪
  5. وكدا خلاص خلصنا ملحووووظات لنجاح الفطاير لو هنضيف جبنه فيتا انا استخدمتها لتوافرها وقت الطبخ لو هتستخدموها حاولوا تصفو الحشو من أي سوايل عشان يستوي كويس وبعد لفها التسويه على الجوانب تبقى النار هاديه جدا عشان ميتحرقش من برا وجوا يفضل ني والطماطم هناخد اللحم بس عشان ميبقاش في الحشو سوايل كتير وممكن تضيفو زيتون وفلفل رومي وممكن من غير لحوم خالص انا استخدمت الكفته لتوافرها واعاده تدوير لو خليط العجينه لزج شويه ممكن يتخفف بسيط جدا من الميه دمتم بصحه
عجبتك الوصفة؟
شوف كل وصفاتنا في مكان واحد
كل الوصفات →