→ كل الوصفات
طريقة عمل فطاير الجريل بالبسطرمه 👌 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- العجينة:كوب جنين القمح
- كوب ونص دقيق اسمر
- معلقه وسط بيكنج بودر
- معلقه كبيره خل
- زبادي
- ميه للعجن حسب الحاجه
- 1/4 كوب زيت زيتون
- الحشو :كوب بسطرمه
- بصله كبيره
- بطاطسايه كبيره
- ثمره طماطم
- كوب فلفل متقطع
- رشه فلفل اسود
- 1/2 كوب ميه
- للوش ربع كوب مايونيز
طريقة التحضير
- هنحضر الحشو :هنقطع الخضار والبسطرمه مش هستخدم اي توابل حفاظ على طعم البسطرمه هضيف بس الفلفل الاسود فالوصفه هسخن الطاسه كويس جدا وانزل بالبسطرمه تتشوح هخليها على جمب الطاسه
- وانزل بباقي الخضار كله مره واحده واقلبهم وعليهم ربع كوب ميه هنقلبهم واغطيهم البطاطس تستوي
- لما تستوي وميتها تنشف هضيف رشه فلفل اسود بسيطه واقلبها وبس كدا جاهزه للحشو
- هنحضر العجينه على ماالحشوه تستوي فبوله هضيف مكونات العجينه والم العجينه شويه شويه بالميه واضيف الزيت وانا بعجنها
- هتكون عجينه طريه مش بتلزق هرش على وشها دقيق بسيط واقسمها كور متساويه
- ارش على الوش بسيط دقيق فطبق هضيف رشه دقيق وافرد العجينه قد العيش الشامي الصغير
- وهكذا لانتهاء الكميه فطبق غويط صغير هضيف قطعه من العجينه بالشكل ده
- واضيف فيها معلقه من الحشو والم حرف العجينه لما تتقفل معايا بالشكل ده
- هنرصهم فطبق على الوش المضموم لانتهاء الكميه على الصينيه هرش بسيط دقيق وافرد الفطاير وادهنها مايونيز
- هسخن الجريل نار متوسطه وانزل بالفطاير على الجانب المدهون وادهن الجانب التاني واقلبه يكون الي تحت استوى بالشكل ده
- وهكذا مع الكميه كلها لانتهاء الكميه وتتقدم بالهنا 💪✋
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد