→ كل الوصفات
طريقة عمل فطاير بالجبنه والزعتر 🥰 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 4 ونص كوب دقيق + رشة ملح
- معلقة صغيرة سكر
- 3 معالق كبيرة حليب بودر
- معلقه ونص كبيرة خميرة
- معلقتين زبده + بيضه
- كوب وربع حليب دافي
- 1 بيضه +معلقتين حليب وسمسم وزعتر(للوش)....وجبنه للحشو
طريقة التحضير
- في طبق هنحط فيه الحليب والخميرة ومعلقة من السكر ونقلبهم كويس ونسيبهم على جنب لمدة من ٥ ل ١٠ دقايق
- هنجيب بوله وهنحط فيها الدقيق ورشة ملح وباقي المكونات وهنضيف خليط الحليب والخميرة ونبدأ نعجن من ١٠ ل ١٥ دقيقة لحد ما نحصل على عجينه متماسكة ونغطيها ونسيبها تخمر ساعة إلا ربع تقريبا
- بعد ما تخمر العجينه هنقسمها لقطع متساوية ونكورها ونبدأ نفرد كل قطعه بشكل طولي ونحط الجبنه بالشكل ده ونقفل الجوانب كويس
- بعد كده هنجيب سكينه او قطاعة بيتزا ونقطعها بالشكل ده ونلفها
- هنعمل كل الكمية بالشكل ده وهنجيب صينيه ندهنها زيت ونرص فيها الفطاير ونغطيها ونسيبها تخمر ربع ساعه كمان وآخر حاجه هندهن الوش ببيضه مخفوقه عليها معلقتين حليب ونرش سمسم وزعتر او حبة البركه وندخلها الفرن
- وده الشكل النهائي وبألف هنا 🤩🤩
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد