→ كل الوصفات

فطاير بيتزا

طعمها جميل جدا و مقرمشة من برة وطريه من جوه تنفع تتحط ف لانش بوكس back to school #الشيف_الذهبي #اكلات_هنية #معجنات #صدقة_جارية

  • 5 كوب دقيق
  • 2 بياااض بيض
  • 1/4 كوب زيت
  • م ك خميرة
  • م ك سكر
  • م ك خل
  • م ص ملح
  • 2 كوب لبن دافي
  • 2 صفار بيض
  • 2 م ك لبن
  • 1/2 م ص قهوه سريعة دوبان (اللي هي نسكافيه كلاسيك او جولد)
  • 1/2 كوب سمسم
  • 2 طماطم مقطعة مكعبات صغيرة بدون بذر
  • 1/4 ل (1/2 كوب) زيتون اسود شرايح
  • 2 فلفل رومي مقطع مكعبات صغيرة
  • بسطرمه او سوسيس او لحمه مفرومه اي حاجة الكميةحسب الرغبة
  • كوب مكس جبن موتزازيلا ع شيدر
  1. هنخلط كل مكونات العجينه ونضيف اللبن بالتدريج مع استمرار العجن لحد ماتبقى العجينه لينه كده ومش بتمسك ف الايد
  2. نجيب رول الاسترتش ونغطي البوله اللي فيها العجينه ونسيبها ف مكان دافي لحد ماتتخمر لمده نصف ساعة
  3. بعد كده نجيب صينيه الخبز مدهونه بالزيت او محطوط فيها ورق زبده و نبدأ نكور العجينه لكور صغيرة ياريت صغيره علشان هي لما ترتاح هتكبر المهم نرصص الكور في صينيه الخبز ونسيبها ترتاح لمده عشر دقايق
  4. نكون جبنا بوله صغيرة وحطينا فيها الصفار بتاع البيض و اللبن والقهوه سريعه الدوبان ونخلطهم كويس وبعد ما العجينه ترتاح ندهن الوجه
  5. وبعدين نعمل حفره في منتصف كل كوره ونحط الحشوه ونرش أطرافها بالسمسم وندخلها بعد كده الفرن يكون متسخن مسبقاً ونسيبها لحد مايكون لونها دهبي وبعدين لما تخرج من الفرن نغطيها بقماشه كده لمده 10 دقايق وبألف هنا⁦♥️⁩
عجبتك الوصفة؟
شوف كل وصفاتنا في مكان واحد
كل الوصفات →