→ كل الوصفات
طريقة عمل فطاير داوود 😉👌 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- لتحضير الكفته :كيلو لحمه مفروم
- ½ كوب دقيق
- معلقه كبيره بيكنج بودر
- معلقه كبيره ملح
- معلقه كبيره فلفل اسود
- معلقه كبيره كزبره جافه
- كوب طماطم مبشوره
- للعجين
- 3 كوب دقيق
- معلقه كبيره زعتر
- معلقه كبيره سمن
- ميه للعجن
- معلقه وسط بيكنج بودر
- لتقسيم اللحمه
- معلقه كبيره فلفل احمر مفروم
- للوش
- بيضه مخلوطه بمعلقتين كبار مايونيز
طريقة التحضير
- هنحضر الكفته فالبدايه فبوله كبيره هنضيف مكونات الكفته واللحمه واقلبهم كلهم حلو اوي
- هشكل نص اللحمه كور صغيره واخليها على جمب وبعدين هضيف على الجزء التاني الفلفل واقلبهم كويس مع بعض
- واقسمهم كور متساويه لحشو الفطاير
- فبوله تانيه هضيف مكونات العجينه واضيف الميه شويه شويه واعجن العجينه
- لما تتكون عجينه طريه مش بتلزق واقسمها عشر كور متساويه هرش صينيه دقيق بسيط
- وافرد عليه كورتين من العجين واضيف كوره لحمه على كوره عجين واغلفها بقطعه العجين التانيه
- واقفلها من الجوانب حلو اوي وهكذا لانتهاء الكميه هاخد كوره محشيه وافردها
- شكل الرغيف وادهن وشها بخليط البيض والمايونيز وارش على الوش زعتر
- هسخن الجريل على نار هاادي خالص يستوي من تحت حلو اوي وارص على الوش كور اللحمه الصغيره وارص الفطاير على صاج الفرن وادخلهم الفرن على نار هادي لما تستوي الكفته من فوق كويس جدا وتتقدم سخنه وبالهنا 💪✋
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد