→ كل الوصفات

فطيرة البيتي بان المحشية 😍😍😍

#حفظ_النعمة وجبه سهله الفطار أو العشا لعدد كويس من الأفراد تنفع جدا لأي لحوم متواجده باقيه والفينو الناشف بالبيت سهله ومكونات بسيطه وسريعه والتسويه سهله وبسيطه دمتم بصحه 😍

  • الطبقه الأولى
  • 4 بيتي بان (فينو) كبير
  • بيضتين
  • 1/2 كوب ميه
  • 1/2 معلقه صغيره فلفل اسود
  • 1/2 معلقه صغيره ملح
  • معلقه صغيره زعتر
  • الحشو
  • 6 شرايح جبنه رومي مبشور
  • شرايح طماطمايه
  • معلقتين كبار فلفل مفروم حار
  • 1/2 كوب صوص باربيكيو
  • 250 جرام لحوم المتواجد
  • معلقتين كبار زبده سايحه
  • 1/2 كوب زيتون مخلي
  • الطبقه الثانيه
  • 3 قطع بيتي بان كبير
  • 1/2 كوب مايونيز
  • 3 شرايح جبنه رومي
  • 1/2 كوب ميه
  • 1/2 معلقه صغيره نعناع مجفف
  • 1/2 معلقه صغيره فلفل اسود
  • معلقتين كبار زيتون مقطع
  • 1/2 ثمره طماطم مقطعه
  1. هنحضر الطبقه الأولى بإحضار صينيه فرن مقاس ٣٠ مستطيله أو حسب الرغبه هنوزع فيها الزبده كويس جدا من القاعده والجوانب هنقطع ألفينو شرايح بالتساوي ونرصه كله فالقاعده ونحاول نسد اي فراغات بفتات الخبز هنغطي القاعده كويس جدا
  2. هنرش عليها الزعتر كويس هنرب البيض مع الميه والملح والفلفل ونوزعه على ألفينو كله بالتساوي كويس جدا
  3. هنضيف الصوص كويس عليه والجبنه واللحمه والطماطم والزيتون والفلفل وكدا الطبقه الأولى خلصت
  4. هنحضر الطبقه التانيه هنقطع ألفينو شرايح بالتساوي ونغطي كويس الحشو كله ونغطي اي فراغات خالص هنوزع المايونيز عالوش بالفرشه
  5. ونوزع الجبنه والزيتون والطماطم وهنرب البيض مع الميه حلو اوي ونوزعهم عالوش كلهم بالتساوي ونرش فلفل اسود والنعناع وندخلها الفرن تستوي حوالي من ١٠ ل ١٥ دقيقه فرن وشوايه
  6. هتطلع تهدي بس خمس دقايق وتتقدم بالهنا ✋💪
  7. ملحوظه يمكن اضافه موتزاريلا وتبديل الميه باللبن استخدام أي لحوم متبقيه فالبيت والفينو الناشف أو البايت دمتم بصحه وعافيه 😍😍
عجبتك الوصفة؟
شوف كل وصفاتنا في مكان واحد
كل الوصفات →