→ كل الوصفات

فطيرة التفاح المقلية

#فطيرة_ التفاح #Apple_pie #فطير #حلو

  • 1 ونصف كوب دقيق
  • 1/3 كوب زبدة
  • ½ كوب حليب حسب العجينة
  • ملعقة سكر باودر
  • 3 حبات تفاح حجم وسط مقشرة ومقطعة مكعبات صغيرة
  • 1/3 كوب سكر
  • ملعقة صغيرة قرفة
  • عصير ليمونة صغيرة
  1. طريقة عمل العجينة: العجينة بتحطى الزبدة مع الدقيق مع السكر البودرة في الكبة او الفود بروسيسور وتعملى ضربات سريعة لما تلاقى العجينة بقيت زي الحبوب الناعمة كدا تقلبيها في طبق وتضيفى ثلث كوب لبن
  2. وتعجنى بسيط مبتاخدش تعب خالص لو لقتيها ناشفه اوي ممكن تضيفى كمان ملعقة حليب وتعجنى بتتظبط معاكى على طول بس كدا تاخديها تحطيها في الفريزر نص ساعة
  3. طريقة عمل الحشوة: بتحطى السكر على النار مع ملعقة الماء وتسبيه على نار هاديه عقبال ما تقطعى التفاح تحطى مع السكر عصير ليمونة. تنزلى عليه بالتفاح المقطع وترشى على التفاح القرفة وتقلبيهم مع السكر خمس دقائق بالكتير وبس كدا اركنيها تبرد
  4. جهزنا العجينة وجهزنا الحشوة، تاخدى العجينة تفرديها بالنشابة سمكها نص سم تقريبا تساويها بحيث تبقى مستطيلة كدا تحطى على نصها الحشوة وتقفلى عليها النص التاني وتضغطى بالشوكة على الاطراف عشان تمسك كويس
  5. تقلى في زيت غزير و ساخن حتى الاحمرار ترفع من الزيت على ورق المناديل للتصفيه
  6. وبالهنا🙂
عجبتك الوصفة؟
شوف كل وصفاتنا في مكان واحد
كل الوصفات →