→ كل الوصفات

فطيرة الجلاش بالكاسترد

اول مرة اجربها وحقيقي مش آخر مرة لأنها فعلا لذيذة بشكل مش طبيعي وسهلة وسريعة جدا ومش مكلفة خالص ،، تنفع برده لفكرة حلويات في رمضان 😉

  • ½ كيلو جلاش
  • 4 م ك مسحوق الكاسترد
  • 3 كوب لبن
  • سكر حسب الرغبة
  • كوب الا ربع سمنة سايحة او زبدة سايحة
  • ½ كوب قشطة او علبة زبادي
  • كيس فانيليا
  • لبن
  • سكر بودرة
  1. اولا الكاسترد : في حلة اضع مكونات الكاسترد مع بعض وارفعها علي النار مع التقليب المستمر لحد لما يتقل معاكي خالص ،،
  2. ثانيا التوريق : استخدمت هنا السمنة السايحة والقشطة والفانيليا وخلطهم مع بعض كويس وممكن طبعا تستخدمي (زبدة ، زبادي) يعني المتوفر عندك ،،
  3. ثالثا : في صينية ادهن من السمنة وابدا افرد ورق الجلاش واسيب اطرافه بردة الصينية عشان اقفل بيهاوالفطيرة في الاخر ،،
  4. وارش طبقة طبقة وادهن السمنة بينهم وهكذا لحد لما اوصل لنص كمية الجلاش ، بعدين افرد الكاسترد واكمل رص الجلاش ورقة ورقة وادهن برده ،،
  5. بعدين اقفل الفطيرة باطراف الجلاش اللي كنت سايباها برة الصينية، وادهن الوجه بخليط السمنة برده والقشطة ،،
  6. ادخلها الفرن لحد لما تاخد لون من تحت بعدين افتح الشواية تاخد لون من فوق ،،
  7. اطلعها واقطعها براحة واسقيها بلبن وارش عليها سكر بودرة واستمتعي بقي وبالف هنا 🙂
عجبتك الوصفة؟
شوف كل وصفاتنا في مكان واحد
كل الوصفات →