→ كل الوصفات

فطيرة الجلاش بالكريمة وصوص البندق 🌰

نفس الوصفة اللي فاتت اللي هي ( فطيرة الجلاش بالكريمة والشوكولاته ) ، بس المرة دي بصوص البندق الغني جددا وطعم تحفففة 👌😋

  • 1/4 جلاش
  • 2 علبة زبادي
  • 1/2 كوب سمنة سايحة
  • 2 كيس فانيليا
  • كوب لبن
  • 1/2 كوب بندق مطحون
  • 1/2 كوب كاكاو خام
  • 1/2 كوب سكر او اكثر حسب الرغبة
  • 1/2 كوب زيت
  • باكو كاكاو بندق او باكو نسكافيه بندق (اختياري)
  • من كوب الي كوب وربع لبن (حسب القوام)
  • كيس فانيليا
  • 2 كوب لبن
  • م ك دقيق
  • م ك نشا
  • 2 كيس فانيليا
  • سكر حسب الرغبة
  1. اولا صوص البندق : اضرب مكونات الصوص في الخلاط واللبن حسب القوام اللي انتي عاوزاه خفيف او تقيل ، بعدين دخليه الثلاجة لحد لما تخلصي ،
  2. ثانيا الكريمة : في حلة اضع كل مكونات الكريمة واضربها بالمضرب اليدوي وارفعها علي النار لحد لما تتقل واطفي ،
  3. ثالثا توريق الجلاش : في طبق اخلط مكونات توريق الجلاش مع بعض كويس جدا ،
  4. رابعا التجهيز : في صينية مدهونة سمنة ابدا ارص طبقات الجلاش وبين كل طبقتين ادهن خليط التوريق بالفرشاه بس اسيب طرفين ورقتين جلاش من برة كدة عشان لما احط الحشوة اقفل عليها باطراف الجلاش ، بعدين احط الكريمة واقفل عليها باطراف الجلاش واكمل رص الجلاش طبقتين وادهن وهكذا لحد لما اخلص الكمية ، بعدين ادخلها الفرن لحد لما الجلاش ياخد لون ،
  5. خامسا التسقية : اطلعها من الفرن وهي بتبقي منفوشة لفوق كدة متخافيش 😃 وبعدين اقطعها واسقيها باللبن ، وبعدين انزل عليها صوص البندق وقدميها ساخنة او باردة زي ما تحبي ،
  6. هنا انا قدمتها لما بردت والفطيرة اتشربت اللبن وصوص البندق والكريمة كمان جمدت وبالف هنا 🙂 ،
  7. 🔸️ملحوظة : لو فضل عندك خليط توريق الجلاش (الزبادي ، السمنة) وفضل (صوص بندق) اوووعي ترميه وهقولك في الوصفة اللي جاية ان شاء الله هنستخدمه في ايه 👌😉🙈
عجبتك الوصفة؟
شوف كل وصفاتنا في مكان واحد
كل الوصفات →