→ كل الوصفات

فطيرة الدجاج

لو اتبقى منى ورك واحد او كام نسيره فراخ محدش راضى ياكلها لو مسلوقة تانى يوم هعملها افخم فطيرة والكل هيتخانق عليها

  • قطع الدجاج المتبقية ايا كان عددها
  • خضار مشكلة اللى تحبى تضيفيه
  • 2 كوب دقيق
  • لبن او مايه للعجن
  • معلقة خميرة
  • معلقة سكر كبيرة
  • زيت
  • كمية موتزاريلا للوجه ومش اساسيه تماما فى الوصفه
  1. هنجيب قطع الفراخ المتبقيه و ننسرها او لو مش مستوية اصلا سويها كالعادى بتاعنا
  2. بعد ما الفراخ تتشوح كويس لو مستوية او تستوى لو كانت نيه نحط عليها الخضار اللى احنا حابينه باى كميه وباى شكل تقطيع ونشوح كله لحد ما كله يستوى
  3. نسيبها تبرد تماااااما لحد ما نعمل العجين اهم حاجة الحشوة تبرد كويس
  4. هنجيب الدقيق ونحط عليه ذرة ملح والسكر والخميرة ونقلب كويس ونضيف الميه او اللبن لحد ما تبقى عجينة لينه طرية وتمسحيها بحبه زيت وسيبيها تخمر
  5. لما حجم العجينه يتضاعف فضيها من الهوا وقسميها كورتين قد بعض هاتى الصينية اللى هتعملى فيها الفطيرة مسحة زيت وافردى فيها الكورة الاولى و حطى الحشوة وزعيها كويس وافردى الكورة التانيه على ايدك دايره على قد ما تقدرى وحطيها على الحشوة وظبطى شكلها بايدك وهنا لو عايزة تحطى موتزاريلا على الوش تمام مفيش مش مشكله ابدا
  6. ف الفرن على درجة حرارة 200 هتحطى الصينية وبعد نص ساعة هتلاقيها استوت ولو وشها محمرش شغلى عليها الشواية دقيقة وبس كده حطى معاها بطاطس محمره او كاتشب ومخلل وبالهنا والشفا مقدما
  7. نسخ الرابط تمّ نسخ الرابط
  8. البريد الإلكتروني
  9. بينترست
  10. اقرأ المزيد
  11. اطبع الوصفة اطبع الوصفة
  12. انسخ النصّ انسخ النصّ
  13. أبلغ عن الوصفة
  14. شاهد أخبار وصفتك
  15. احذف
عجبتك الوصفة؟
شوف كل وصفاتنا في مكان واحد
كل الوصفات →