→ كل الوصفات

فطيرة الراعي (الاقتصادية)

ثاني وصفة قدمتها معاكم في الحلقة في التلفزيون 🤩 ، وصفة خفيفة ولذيذة وعملتها معاكم بطريقة اقتصادية ومغذية ، جربوها وبالف هنا 🙂 . #رمضانك_اقتصادي_مع_حملة_اطبخها_اقتصادي وهو دة شعارنا في رمضان ان شاءالله ،، وكل عام وانتم الي الله اقرب 🕋📿 ،،،

  • 1/4 كيلو لحمة مفرومة
  • بصلة مبشورة
  • 1 من كل (بطاطس ، كوسة ، جزرة) مبشورين
  • م ك ثوم مفروم
  • م ك بهار مشكل
  • م ص فلفل اسود ، بابريكا
  • 2 م ك صلصة
  • ¼ كوب ماء
  • مكعب ماجي
  • ملح
  • اي خضرة مفضلة او ممكن سبانخ مقطعة
  • بطاطس مسلوقة في ماء ساخن بملح وفلفل
  • ماء البطاطس المسلوقة (حسب الاحتياج)
  • لبن (حسب الاحتياج)
  • مكعب زبدة او م ص سمنة
  • رشة من (ملح ، فلفل ، زعتر)
  1. اولا : قشرت البطاطس وقطعتها وسلقتها في ماء ساخن بيه ملح وفلفل ، وبعدين في بولة حطيت البطاطس المسلوقة وحطيت عليها ميكس من (ماء سلق البطاطس ، ولبن) مع الزبدة والملح والفلفل وهرستها كويس اوي وتبقي سايحة شوية عشان تقدري تفرديها علي الحشوة ،
  2. ثانيا في نفس الوقت اللي بسلق في البطاطس ، بجهز الحشوة في طاسة غويطة بحط سمنة وبنزل اللحمة اشوحها لحد بما لونها يتغير، بعدين بنزل البصلة واشوحها شوية ، بعدين الخضار المبشورة والثوم واشوحهم شوية ، بعدين التوابل وافضل اشوح فيهم لحد لما الخضار يبدأ يدبل ، بعدين انزل الصلصة والماء والماجي والملح واسيبها لحد لما الخضار يستوي خالص والصلصة تتسبك ، وبعدين بضيف اي نوع خضرة فالاخر لو تحبي وبس كدة ،
  3. في صينية احط الحشوة الاول وبعدين افرد عليها البطاطس البيوريه ، واعمل فيها أشكال بالشوكة وادخلها تحت الشواية تاخد لون وبس كدة ،
  4. ملحوظة : ١/ ممكن احط علي الوجه جبن ، ٢/ او ممكن ازود طبقة بشاميل ، *افكار للحشوة : ١/ فراخ او ممكن من بواقي الفراخ ٢/مشروم ٣/عدس بجبة مسلوق ٤/سجق وبسطرمة
  5. بجد وصفة لذيذة وخفيفة جدا وممكن تتاكل بالعيش او بالارز الابيض او تتاكل كدة لوحدها وبالف هنا 🙂
عجبتك الوصفة؟
شوف كل وصفاتنا في مكان واحد
كل الوصفات →