→ كل الوصفات

فطيرة الطاسة بحشوة البطاطس🥔😍😋❤️

فطيرة لذيذة بحشوة إقتصادية وهي البطاطس🥔 لو عندك بطاطس هتقدري تعملي أحلى فطيرة جربيها بنفسك وشوفي العظمة 🤩❤️ #اكلات_للعشاء

  • لعمل العجينة نحتاج
  • 2 كوب دقيق
  • 1 ملعقة صغيره سكر
  • 1 ملعقة صغيره خل
  • 1 ملعقة صغيره بيكنج بودر
  • رشة صغيرة من الملح
  • 3 ملاعق كبيرة زيت
  • 1/2 كوب حليب
  • 1/4 كوب ماء
  • لعمل الحشوة نحتاج
  • 2 بطاطس مسلوقة
  • 1 ملعقة صغيره ملح
  • 1 ملعقة صغيره فلفل أسود
  • 1 ملعقة صغيره بابريكا
  • 1 ملعقة صغيره ثوم بودر
  • 1 ملعقة صغيره بصل بودر
  • 1 ملعقة صغيره بهارات بطاطس
  • 1 ملعقة صغيره زبدة
  • 3 ملاعق كبيرة حليب
  • كمية من البقدونس
  1. أولاً نحضر العجينة جيبى طبق غويط وحوطي فية الدقيق والبيكنج بودر والسكر ورشة الملح وقلبيهم مع بعض😍
  2. ضيفي بعد كدة الزيت والحليب والخل وضيفي الماء بالتدريج وأعجني العجينة كويس لحد لما تتكون معاكي عجينة ملساء وبتلزق شوية أعجني حوالى 7 دقائق متبخليش على العجينة في العجن عشان تكون حلوة معاكي 😍
  3. غطي العجينة بعد كدة وسيبيها ترتاح لمدة 15 دقيقة 😍
  4. جيبى طبق غويط وحوطي فية بالبطاطس المسلوقة وحوطي عليها الملح والفلفل والبصل البودرة والثوم البودرة والبابريكا وبهارات البطاطس والزبدة والحليب وكمية من البقدونس وقلبيهم مع بعض وإهرسي البطاطس مع كل المكونات😍
  5. بعد لما العجينة ارتاحت افرديها بالنشابة بس خلي سمكها سميك وبعد كدة حوطي حشوة البطاطس وقفلي على العجينة زي ما بتقفلي على الفطائر والقرص الطرية بس دي هتكون كبيرة وبعد كدة اضغطي بإيدك على العجينة وممكن تفرديها حبة بالنشابة لحد لما يكون شكلها مدور😍
  6. جيبى مقلاية وحوطي فيها حبة زيت وبعد كدة شيلي الفطيرة وحوطيها في المقلاية على نار هادية ولما تتحمر من تحت أقلبيها على الجنب التاني😍
  7. طلعي بعد كدة الفطيرة ولما تبرد حبة قطعيها وقدميها بعد كدة على الغدا او العشا بجد حلو أوي 😋جربيها أكيد هتعجبك 👌🏻😍
  8. 😋😋😋😋😋😋😋
عجبتك الوصفة؟
شوف كل وصفاتنا في مكان واحد
كل الوصفات →