→ كل الوصفات

فطيرة بالجبنة للعشاء تحفة 🥘🥘

طريقة عمل فطيرة بالجبنة للعشاء تحفة في البيت بخطوات سهلة. المقادير: 4 كوب دقيق منخول، معلقة كبيرة خميرة فورية، معلقة كبيرة سكر، معلقة صغيرة ملح وغيرها.

  • 4 كوب دقيق منخول
  • معلقة كبيرة خميرة فورية
  • معلقة كبيرة سكر
  • معلقة صغيرة ملح
  • معلقة كبيرة لبن بودرة
  • معلقة كبيرة خل
  • ¼ كوب زيت
  • كوب وربع لبن دافئ
  • جبنة فيتا كريمي
  • معلقتين زعتر كبار
  • جبنة موتزاريلا مبشورة
  • معلقة لبن بودرة
  • معلقة نسكافيه
  • معلقة ماء
  1. هنحط المكونات الجافة مع بعض ونقلبهم كويس
  2. هنحط الخل والزيت ونقلب كويس وبعدين هننزل باللبن الدافى واحدة واحدة لحد ما العجينة تلم ممكن أقل أو اكتر شوية من الكوب وربع على حسب نوع الدقيق
  3. هنعجن فيها لحد ما تلم وتبقى بتشد شوية ولينه مش اقل من عشر دقائق
  4. هنغطيها ونسيبها تختمر في فرن دافىء مطفى ساعة
  5. هنطلعها ونفردها في صينية كبيرة مدهونة زيت او على اكتر من صينية حسب حجم الصينية
  6. عشان نعمل أطرافها على شكل ضفيرة هنحط في نصها طبق كبير بحيث يكون في سم ونص من اخر الطبق لطرف العجينة ونقطعها شرائح رفيعة طوليه بالسكينة داير مايدور وبعدين نتنى كل طرفين فوق بعض زي الضفيرة
  7. هنحط الجبنة على الزعتر ونقلبها كويس وندهن بيها الفطيرة وفوقها الموتزاريلا عندهن الضفائر باللبن البودرة على ماء ومعلقة نسكافيه وتدخل الفرن عشر دقائق على فرن ٢٠٠ فوق وتحت
عجبتك الوصفة؟
شوف كل وصفاتنا في مكان واحد
كل الوصفات →