→ كل الوصفات

فطيرة تركية باللحم المفروم

طريقة عمل فطيرة تركية باللحم المفروم سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 2 كوب دقيق
  • معلقة كبيرة زيت
  • معلقة كبيرة خميرة فورية
  • معلقة صغيرة سكر
  • معلقة صغيرة بيكنج باودر
  • رشة ملح
  • كوب إلا ربع لبن دافي
  • صفار بيضة
  • سمسم
  • زيت
  • 1/4 كيلو لحم مفروم
  • بصلة
  • فلفل رومي
  • معلقتين سمنة
  • ملح
  • فلفل إسود
  • بهارات
  • كوب ماء
  1. نبدأ بتحضير العجين نضيف الدقيق و الخميرة و الزيت و الملح والسكر و اللبن الدافي و البيكنج باودر على بعض ونقلبهم كويس ونعجن لحد ما تبقى عجينة لينة متماسكة مش بتلزق
  2. نغطي العجين ونحطه في مكان دافي يخمر لمدة ساعة
  3. نسخن الفرن ونبدأ بعمل الحشو نسخن السمنة و نحط عليها بصلة مبشورة وفلفل رومي متقطع صغير ونقلبهم لحد ما يصفروا و يدبلوا
  4. نحط عليهم كوباية مية و اللحمة المفرومة و الملح والفلفل الإسود و البهارات ونسيبها تستوي والمية كلها تنشف ونطفي
  5. نطلع العجين نقسمه نصين ناخد نص نفرده بالنشابة و نحطه في صينية مدهونة زيت
  6. نحط الحشو على العجين و نفرد نص العجين التاني و نغطي بيه الحشو ونقفل طبقتين العجين على بعض من تحت لفوق
  7. نجيب صفار البيضة نحط عليه رشة ملح نقلبه وندهنه على سطح العجين
  8. نرش سمسم على الوش وندخل الصينية فرن متوسط لحد ما تستوي وتحمر ونفتح الشواية دقيقتين تاخد لون من فوق ونطفي ونقدمها
عجبتك الوصفة؟
شوف كل وصفاتنا في مكان واحد
كل الوصفات →