→ كل الوصفات
فطيرة سهلة ولذيذة😋 وبعجينة هشة وقطنية ومقاديرها مظبوطة وناجحة جداً 👌🏻جربي الفطيرة التركية بحشوة البسطرمة وميكس الجبن هتعجبك اوي وممكن تحشيها الحشوات المفضلة عندك وتقدميها كوجبة على الإفطار أو العشاء 😍💓 #المريول_الذهبي #وصفات_سهلة #وصفات_للعشاء
المقادير
- 2 ونصف كوب دقيق
- 2 ملعقة كبيرة حليب بودرة
- 1 ملعقة كبيرة خميرة فورية
- 1 ملعقة كبيرة سكر
- رشة صغيرة من الملح
- 1/4 كوب زيت
- 1 كوب ماء دافي
- 1 ملعقة كبيرة خل
- 1 بيضة
- للحشوة نحتاج
- كمية من ميكس الجبن
- كمية من البسطرمة
- كمية من الفلفل الألوان
- كمية من الزيتون الأخضر والأسود
طريقة التحضير
- أولاً جيبي طبق عميق وحوطي فية الدقيق والخميرة والسكر والحليب البودرة ورشة الملح وقلبيهم مع بعض كويس 😍
- ضيفي بعد كدة بياض البيضة والخل وسيبي الصفار عشان هندهن بيه وجه الفطيرة وبعد كدة ضيفي الزيت والماء الدافئ وأعجني العجينة كويس لحد لما تتكون معاكي عجينة ملساء وبتلزق شوية أعجني حوالى 7 دقائق متبخليش على العجينة في العجن عشان تكون حلوة معاكي 😍
- حوطي العجينة بعد كدة في طبق مدهون بالزيت وغطي العجينة وسيبيها تختمر لمدة ساعة وبعد كدة قسميها نصفين وإفردي الجزء الأول وحوطيه بعد كدة في صينية مدهونة بالزيت وظبطي العجينة على مقاس الصينية وحوطي حشوة البسطرمة وميكس الجبن والزيتون والفلفل الألوان وزعيهم كويس في الصينية 😍
- وإفردي بعد كدة الجزء التاني من العجينة وحوطية فوق الحشوة وظبطيها وساويها كويس واقفلي كل الأطراف من كل الجوانب وبعد كدة قسمي العجينة مربعات بإيدك وإدهني وجهها بعد كدة بصفار البيضة حوطي على الصفار ملعقة كبيرة خل وملعتين حليب وأخلطيهم مع بعض كويس وادهني بعد كدة الفطيرة وزينيها بحبة البركة😍
- دخلي الصينية الفرن على درجة حرارة 200 لمدة 15 دقيقة ولما تستوي ووجهها يتحمر خرجيها من الفرن وغطيها وسيبيها 10 دقائق عشان تكون طرية معاكي 😍
- قدميها بعد كدة على الفطار أو العشا بجد حلو أوي😋 ومشبعة جداً جربيها أكيد هتعجبك 😍💓
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد