→ كل الوصفات

فطيرة طاسة

الوصفة دي كنت بقلب على النت شوفت وصفة دي وكنت زهقانه من الاكل العادي ف قررت اجربها ونتغدى بيها واستفيد من بواقي الاكل عندي ف الحشوة هتعجبكم جداً بإذن الله ❤️

  • 1/2 ك دقيق
  • 2 بيضة
  • رشة ملح
  • م ص سكر
  • لبن كافي للم العجينة (ساقع او دافي مش فارقة)
  • كوب ميكس جبن
  • لحمة مفرومة أو سوسيس أو بسطرمة كافي للحشوة
  • 1/2 كوب فلفل ألوان
  • 2 طماطم مقطعة مكعبات منزوعه البذور او شرايح
  • 1/4 كوب مشروم (فطر) شرائح
  • 1/4 كوب سمنه سايحه
  • زيت للتسوية
  1. في بولة هحط الدقيق وبيض والملح والسكر واخلطهم وانزل باللبن لحد ما العجينة تتلم في ايدي
  2. واسيبها ترتاح ٥ دقائق وبعدين اقسمها كور أو قطع متساوية وأرشها دقيق و أغطيها ترتاح لمدة ١٠ دقائق
  3. أدهن رخام بشوية زيت وأفرد فطيرة لحد ماتبقى رقيقه وافردها بايدي من الاطراف ارفعها براحه وافرد علشان تورق وفي نفس الوقت ماتتقطعش وبعدين ادهنها سمنه واحط الحشوة وكل لما اقفل من طرف ادهنها بشويه سمنه خفيفه بالفرشاة لحد ماتديكي شكل فطيره مقفوله زي ظرف المقفول
  4. وفي طاسة كريب او صينية ادهنيها زيت خفيف حطي فطيره ٥ دقائق على كل جهه هتلاقيها استوت واخذت لون وقدميها وبألف هنا ❤️
عجبتك الوصفة؟
شوف كل وصفاتنا في مكان واحد
كل الوصفات →