→ كل الوصفات

فطيرة طاقية السلطان 💚

طريقة عمل فطيرة طاقية السلطان 💚 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 3 وربع كوب دقيق + رشة ملح
  • 1/2 كوب ماء دافي + نصف كوب حليب دافي
  • 1/4 كوب زيت
  • 5 معالق كبيرة من السكر
  • معلقة كبيرة خل (اختياري)
  • 1 بيضة بحرارة الغرفة (هنستخدم البياض في العجينة وصفار البيضه للوجه) + ملعقة صغيرة فانيليا
  • 2 معلقة صغيرة خميرة
  • معلقة كبيرة ونصف من الكاكاو الخام
  • معلقتين كبار زبدة
  • شوكولاته اسبريد او اي نوع متوفر عندك وممكن مكسرات
  • صفار البيضه
  • رشة فانيليا
  • معلقتين كبار حليب
  • معلقة خل
  1. في بوله هنحط فيها نص كباية مية دافيه ونص كباية لبن وربع كباية من الزيت وبياض البيضه ونقلبهم مع بعض كويس جداً... بعد كده هننزل عليهم بخمس ملاعق كبيرة من السكر ومعلقتين صغيرين خميرة ومعلقه صغيرة من الفانيليا،ونقلبهم كويس وممكن نضيف ملعقة كبيرة من الخل (اختياري)
  2. هنضيف عليهم ٣ كوبايات وربع من الدقيق وعليهم رشة ملح هنضيفهم بالتدريج ونبدا نعجن كويس لغاية ما تتكون عجينه متماسكة.. هنقسم العجينة نصين متساووين نص منهم هيبقى بالشوكولاتة ونص ساده بالفانيليا
  3. هنجيب نص منهم ونضيفله ملعقة كبيرة ونص من الكاكاو الخام ونعجنها كويس ونضيفلها ملعقة زبدة ولو مفيش زبدة ممكن نضيف زيت. والنص التاني من العجينة هنضيفله برضه ملعقة كبيرة من الزبدة ونعجنها كويس ونغطيهم ونسيبهم على جنب لمدة ساعة
  4. بعد كده هنفرد كل عجينه لوحدها بشكل مستطيل ونحاول نساويهم ببعض.. وبعدين هنحط العجينة البيضه من تحت وعجينه الشوكولاتة من فوق بالشكل ده. وهنحط اي نوع شوكولاته وممكن شوكولاته سبريد او مكسرات بالشكل ده
  5. بالسكينه او بقطاعة البيتزا نعمل شرط كده
  6. هنبرمهم من فوق لتحت واحدة واحدة وبعد كده هنلف باقي العجينة عليهم
  7. هتبقى بالشكل ده ونغطيها ونسيبها تختمر ساعة كمان... بعدين هنجيب صينية مدورة مقاس ٢٢ او ٢٤ وندهنها زيت ونحط العجينة فيها وهندهن الوجه(بصفار البيضه ومعلقتين كبار لبن ورشة فانيليا ومعلقة صغيرة خل)
  8. هندخلها الفرن رف وسط على درجة حرارة ١٨٠ ولما نتأكد انها استوت كويس من تحت واخذت لون من فوق هندهن وجهها بزبدة ونغطيها لمدة ١٠ دقائق عشان تفضل طرية
  9. وده الشكل النهائي وبألف هنا 🥰👌
عجبتك الوصفة؟
شوف كل وصفاتنا في مكان واحد
كل الوصفات →