→ كل الوصفات
الفطيرة دي أتعلمتها من المطبخ التركي😍 بجد المطبخ التركي من أحلى المطابخ في الحلويات ووصفات الأكل بجد طعمها تحفة👌 هشة وخفيفة وجميلة جداً 😋😍
المقادير
- 3 كوب دقيق
- 2 ملعقة كبيرة لبن بودرة
- 2 ملعقة كبيرة زبادي
- رشة ملح
- 1 ملعقة كبيرة سكر
- 1 ملعقة كبيرة خميرة
- 1 ملعقة كبيرة خل
- 1 بيضة
- 1/2 كوب ماء
- 1/2 كوب لبن
- 1/4 كوب زيت
- للحشوة نحتاج
- كمية من الفلفل الألوان
- كمية من البسطرمة
- كمية من ميكس جبن (رومي_موتزاريلا_شيدر)
طريقة التحضير
- أولاً في طبق غويط حوطي الدقيق والسكر والملح والخميرة ولبن البودرة وقلبيهم مع بعض بعد كدة حوطي الزيت والزبادي والخل وبياض البيضة وسيبي الصفار عشان ندهن بية وش الفطيرة😍
- ضيفي بعد كده اللبن والمية وأعجني حوالي٧دقايق متبخليش على العجينة في العجن عشان تكون حلوة معاكي 😍
- جيبي طبق غويط وحوطي فيه حبة زيت وحوطي العجينة فية وغطى الطبق وسيبي العجينة تخمر ساعة ولما تخمر قسمي العجينه نصفين وجيبي صينية مستطيلة وأدهنيها زيت وحوطي فيها نصف من العجينة وافردي العجينة في الصينية بإيدك كويس وبعدين خرمي العجينه بالشوكة😍
- جيبي الحشوة ووزعيها على العجينة وزعي البسطرمة والجبن و الفلفل الألوان على العجينة كلها وبعد كدة افردي الجزء التاني من العجينة بالنشابة وبعدين حوطيه فوق الحشوة وقفلي على العجينة كويس من كل الجناب وسيبيها تخمر تاني 1/4ساعة😍
- بعد لما تخمر قسمي العجينة بإيدك بحيث تكون شكلها مربعات زي الصورة وبعد كدة إدهني وشها بصفار بيضة علية ٣ ملاعق لبن ورشة فانيليا و1/4 ملعقة خل وحوطي عليها حبة بركة ودخليها الفرن على درجة حرارة 200 حوالي 1/2 ساعة لحد لما تستوي ووشها يتحمر وبعد كدة خرجيها وغطيها بفوطة مطبخ نظيفة عشان تكون طرية معاكي وبعدين قدميها بعد كدة بجد حلوة اوي جربيها وإن شاء الله هتعجبك جداً وبالهنا والعافية عليكي حبيبتي 😍😘🌹💓
- ملحوظة:ممكن تحشيها اي حشوة تفضليها فراخ او لحمة مفرومة براحتك 😍💓🌹
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد