→ كل الوصفات
#تجهيزات_رمضان في الجزائر
المقادير
- مغرف تع عشاء (كبيرة) سكر
- مغرفة كبيرة ونص خميرة
- ملح
- كاس زيت
- بيض
- ملعقة كبير
- كيلو فرينة (طحين او دقيق) حسب الحاجة
- ماء دافئ العجن
طريقة التحضير
- في طبسي غامق نحطو الفرينة (طحين) خميرة، سكر ملح، نخلطو مليح ونبللو بالماء دافىء باش نتحصلو على عجينة طرية ونبسسو بالزيت ندخلو الزيت مليح فالعجين ونخليوها تختمر وترتاح ونحضرو الحشو حسب الرغبة انادرت البصل الطماطم صدر الدجاج ،ملح مغرفة كبيرة طماطم مصبرة كزبرة ،فلفل اكحل، كركم
- نقليو الدجاج مع الزيت ونزيدو البصل وكل المقادير وفي الاخير زيتون مقطع فرماج (جبنة) اي نوع، معدنوس (بقدونس) والحار حسب الرغبة
- اما الكوكا بالانواع الاخرى (تع الكورني : العجينة لويتها على كورني وك طابو حشيتهم بالبطاطا والفرماج (الجبنة) والاخرى كيما اي مثل في الصورة. اختي عجينة وحدة ديري بيها عدة اشكال
- نحللو العجينة وندهنوها بشوية خليط زبدة والزيت ونحطو العقدة ومبعد نزيدو نحللو العجينة الثانية ودهنوها بالخليط ونخلفوه بيها وندهنوه بخليط البيض الممزوج بالطماطم ومبعد ونعملو فتحات من تلفوق بالموس ونزينوه بالزيتون
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد