→ كل الوصفات
طريقة عمل فطيرة من الجلاش المتكسر سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- لفة جلاش
- 1/4 كيلو لحمة مفرومة
- قطعة زبدة
- مكعبات بصلة متقطعه
- 1 فلفل الوان متقطع مكعبات
- 1 فلفل اخضر متقطع مكعبات
- معلقة شاي فلفل اسود
- معلقة شاي ملح
- 1/2 معلقة شاي قرفة
- 1/2 معلقة شاي بهارات مشكله
- 1/2 معلقه شاي كمون
- كوب حليب
- بيضة
- 4 معالق كبيرة زبادي
- 1/4 كوب زيت او سمنه بلدي
- معلقة شاي ملح
- معلقة شاي فلفل اسود
- موتزاريلا
طريقة التحضير
- نقطع ورقة الجلاش كما موضح بالصورة ونفكها عن بعض
- نعصج اللحمة المفرومه بقطعة زبدة صغيرة وورق غار وحبة حبهان عليهم اللحمة المفرومه
- احط عليها البصل والفلفل الالوان والاخضر واغطي عليها واسيبها على نار بارة لحد ما تتعصج (يعني تأخذ اللون غامق للحملة المفرومه) واضيف ملح وفلفل اسود وسماق حسب الرغبة وممكن نبدل اللحمة المفرومه بفراخ مفرومة
- نبدأ في التشريبه بيضة عليها اللبن والفلفل الأسود ونقلب احط عليها الزبادي والملح والسمنه واقلب
- احط نص الجلاش المتقطع واضغط عليه واحط عليه كبشتين من التشريبه
- و بعدين احط اللحمة المفرومه أو فراخ مفرومة موصلهاش للأطراف عشان متتحرقش وشوية موتزاريلا
- احط باقي الجلاش المتقطع واضغط عليه بس مش اوي واحط عليه باقي التشريبه واضغط عليه مش اوي واهز الصينية بس مش جامد عشان اوزع التشريبه
- و ادخل الفرن درجة حرارة ٢٠٠ لمدة ربع ساعة مجرد أن الجلاش يشرب السوائل وبعدين اطلعها
- ارش شوية موتزاريلا على الوجه وادخلها الفرن تاني ربع ساعة يحمر الوجه اطلعها على طول
- تكه:كل فرن على حسب تسويته وسرعته المهم نخلي بالنا من الجوانب اذا استوت اطلعها وأرش الموتزاريلا وادخل تاني على الشوايه يحمر من فوق اخرجها
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد