→ كل الوصفات
#اطباق_سريعة
المقادير
- لفه جلاش
- بسطرمه
- ميكس جبن موتزاريلا ورومي وشيدر
- زيتون مخلي
- فلفل اسمر
- علبه زبادي
- 2 معلقه كبيره سمنه
طريقة التحضير
- اول حاجه نسيح معلقتين السمنه على النار ونحطها على الزبادي ونقلبهم كويس اوي ونسيبها على جمب
- بعد كده نجيب لفه الجلاش وناخد ورقه احط نصها في الصينيه والنص التاني برا وادهن عليها بخلطه الزبادي والسمنه وهكذا لحد ما اللفه تخلص
- الحشوة بقى: ملعقة زيت اشوح فيها البسطرمه واحط عليها فلفل اسمر ولو حابه تحطي طماطم وفلفل الوان حطي ويتشوحوا وبعدين اطفي عليها
- احط بقى الحشوه في النص وبعدين عليهم زيتون وميكس الجبن بتاعك وتغطيها بانصاص الجلاش اللي برا الصينيه وتقفليها كويس وبعدين تحطي باقي خليط الزبادي على الوجه وتدخليها الفرن تتحمر واول ما تطلع غطي وجهها خمس دقائق وقطعيها وبس كده
- سريعه جداً جداً وطعمها يجنن وممكن تحطي اي حشوه تحبيها مش شرط بسطرمه وبالهنا والشفا 😍
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد