→ كل الوصفات
طريقة عمل فطيره البيتزا سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 2 كوب دقيق
- معلقه عسل ابيض كبيره
- 2 معلقه زبده
- 2 معلقه زبادي
- ½ معلقه صغيره بيكنج بودر
- معلقه كبيره خميره
- معلقه سكر
- رشه ملح
- كوب لبن دافي
- الحشوه
- ½ كيلو سوسيس
- فلفل أخضر والوان
- بصله مفرومه
- 5 فصوص ثوم مفروم
- زيت ذره
- 2 ملعقة كاتشب
- 2 معلقه مايونيز
- 2 ملعقة صلصة
- 2 ملعقة صويا صوص
- 2 معلقه دبس الرمان
- ملح وفلفل اسود
- زيتون اسود مخلي
- جنبه موتزاريلا
- جبنة شيدر
- جبنة رومي
- الوجه
- ندهنها بمعلقه سمنه او زبده
- وسمسم وحبه البركه وجبنه موزاريلا
طريقة التحضير
- نحضر اللبن الدافي ونحط السكر والخميره ونسيبهم خمس دقائق ونجيب بوله ننخل الدقيق ونحط الزبادي والمايونيز والزبده والبيكنج باودر ورشه الملح والعسل ونقلبهم ونحط اللبن على المكونات ونعجنهم كويس جداً لحد ما العجينه تلم ويبقى فيها تلزيق بسيط ونغطيها ونسبها لحد ماتخمر
- نجيب طاسه نحط فيها الزيت ونزل الثوم وبعدين البصل والفلفل ونقلبهم وبعدين ننزل السوسيس ونقلبهم ونحط الكاتشب والصويا والدبس والصلصة والمايونيز والملح والفلفل الأسود ونقلبهم ٣ دقائق ونقفل عليهم
- نجيب العجينه بعد ماخمرت ونفردها بالنشابه وتكون سمكها رفيع ونحط العجينه في الصينيه ونخرمها بالشوكه ونزل الحشو عليها ونحط عليها الجبن ونفردها عجينه تانيه على الوجه ونقفل الأطراف كويس ونخرمها بالشوكه وندهنا بالسمن ونرش شويه سمسم وحبه البركه وندخلها الفرن درجه حراره عاليه ولما تبدا تحمر نطلعها ونحط الجنبه الموتزاريلا على الوجه ونشغل الشوايه تحمر ونطلعها وبالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد