→ كل الوصفات
من احلى الاكلات الممكن تكلوها بجد بالزات محبين البطاطس و اللحمة المفرومه 😂💞 ، حاجه تحفه كدا هنقدمها النهارده و هقلكم كل تفاصيلها 😚 ، و ممكن نقدمها في رمضان جمب الفطار ، و ممكن تبقى هي الفطار كمان و هيبقا احلى فطاار 😂♥️
المقادير
- ½ كيلو لحمة مفرمه
- بصلة متوسطة
- فصين ثوم (لو مش بتحبوه خلاص)
- جزره متوسطة
- مرقه خضار متزوبه في نصف كوب ماء دافئ او سخن
- معلقتين كبار صلصه طماطم
- معلقه كبيره صويا صوص و مش لازم لو مفيش
- ½ معلقه صغيره اوريجانو
- ½ معلقه صغيره ريحان
- ملح و فلفل اسود
- 3 بطاطس متوسطة مسلوقه
- 2 معلقه كبيره زبدة
- ⅓ كوب لبن / حليب دافئ
- شويه جبنة اي نوع رومي او شيدر او بارميزان (اختياري)
طريقة التحضير
- هنسمى الله و هنسلق البطاطس في مياه و شويه ملح ، و على جنب هنبتدى نعمل اللحمة ، هنحط اللحمة على النار و معاها البصله و اي خضار بنحبه مثلا شويه بسله (بازيلا) ، و نحط الصويا صوص و الثوم و مننساش الصلصه و لما تستوي كويس نحطها في صينية من تحت ، الصينية دى زي بتاعت الانجلش كيك ف طبعاً بتبقا صغيرة لو عايزين تعملوا صينية كبيره عادي نفس كميةاللحمة بس زودوا بطاطس بقاا
- هنحط البطاطس في طبق بعد لما نصفيها و نهرسها و نحط الزبدة و اللبن و التوابل و نقلبهم كويس و نحطهم فوق اللحمة في الصينية
- و هنعمل الشكل التقليدى ل فطيره الراعى و هو اننا نجيب الشوكه و نعمل كده من فوق ، و اختياري اننا نحط شويه جبنة من فوق و ندخلها الفرن 10 دقائق حراره 180 ، و بالهنا و الشفا 🥰
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد