→ كل الوصفات
طريقة عمل فطيره الرز باللوز والدجاج وصدور الدجاج في الفرن في البيت بخطوات سهلة. المقادير: كيلو من الارز المصري، لوز، صدر دجاج، بصلتين مبشورين وغيرها.
المقادير
- كيلو من الارز المصري
- لوز
- صدر دجاج
- مقادير الفطيره 3 كوبيات دقيق
- بصلتين مبشورين
- ملح
- فلفل اسود
- زبده
- فنجان لبن
- بيضه
- ملح
- فلفل اسود
- ماء للعجن
- مقادير صدور الدجاج
- انا عملت 3 صدور
- 3 بصلات مبشوره
- 3 طماطمات مبشوره
- ملح
- فلفل اسود
- شرايح فلفل رومي
- زبده
طريقة التحضير
- في حله على النار هحط معلقتين زبده او سمنه واضيف اللوز واضيفله ملح خفيف واول ما ياخذ لون اخد منه معلقتين على جنب لتزيين الصينيه والباقى اضيف له البصل المبشور وصدر الدجاج المقطع قطع واشوحهم كلهم مع بعض اول ما يدخلوا في التسويه اضيفلهم الرز واكون نقعاه قبلها بساعه واشوح الرز مع المكونات واضيف الملح والفلفل الاسود في المرحله ديه هضيف كميه ماء اقل من كميه الرز بكوبايه انا عامله ٤ كوبيات رز هضيف لهم 3 كوبيات من الماء علشان عاوز الرز مش كامل النضج لانه هيكمل باقي تسويته في الفطيره واغطيه لحد ما يستوي
- لعمل الفطيره معايا 3 اكواب من الدقيق هضيف لهم ذره ملح ومعايا بيضه وفنجان لبن هكسر البيضه واضيف لها الملح والفلفل الاسود وانزل بفنجان اللبن وفي بوله انزل على الدقيق بالسوايل اللبن والبيض واعجن ولو احتجت ماء هضيف شويه صغيرين واعجنها واسيبها ترتاح
- هبدا احضر صينيه ادهنها سمنه وبعد كدا افرد العجينه على حجم اكبر من الصينيه اضيف اللوز اللي خدتهم في بدايه التحمير من تحت اوزعهم وانزل بالعجينه عليها واريحها في الصينيه الرز يكون برد شويه مضفهوش سخن وادهن الفطيره سمنه وانزل بالرز عليها واقفلها كويس واضفلها سمنه على الوجه وادخلها الفرن واول ما تخرج اقلبها هيكون اللوز اللي ضفته على الوجه تحفه جربوها وبالف هنا هتنفع في عزايم رمضان وتغيير جميل
- لعمل صدور الدجاج 3 بصلات مبشورين وعليهم 3 طماطمات مبشورين ملح وفلفل اسود هعمل فتحات في الصدور وادخل التتبيله فيهم واتبلهم كويس واضيف لهم شرايح الفلفل الرومي ومعلقه زبده واخدهم على البوتجاز عشر دقائق وبعدها ادخلهم الفرن على درجه حراره 200° الفيديو للوصفه موجود
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد